ദുബായ്: ഓഗസ്റ്റ് മുതൽ എല്ലാ അവധി ദിവസങ്ങളിലും ദുബായിലെ ഇന്ത്യൻ കോണ്സുലേറ്റ് രണ്ടു മണിക്കൂർ വീതം തുറന്നു പ്രവർത്തിക്കുമെന്ന് അധികൃതർ. അടിയന്തര ആവശ്യങ്ങൾ മാത്രമാണ് അവധി ദിവസങ്ങളിൽ പരിഗണിക്കുക.
ഓഗസ്റ്റ് ഒന്നു മുതൽ ഡിസംബർ 31 വരെയാണ് എല്ലാ അവധി ദിവസങ്ങളിലും രണ്ട് മണിക്കൂർ വീതം കോണ്സുലേറ്റ് തുറന്ന് പ്രവർത്തിക്കുക. വാരാന്ത്യ അവധി ദിവസങ്ങളായ വെള്ളിയാഴ്ചയും ശനിയാഴ്ചയും കോണ്സുലേറ്റ് തുറക്കും. രാവിലെ എട്ട് മണി മുതൽ 10 വരെയാണ് സേവനമുണ്ടാകുക.
പാസ്പോർട്ട്, എമർജൻസി സർട്ടിഫിക്കറ്റ്, വിസ, മറ്റ് അടിയന്തര ആവശ്യങ്ങൾ എന്നിവയാണ് ഈ ദിവസങ്ങളിലെ സേവനങ്ങളെന്ന് അധികൃതർ വ്യക്തമാക്കി. സൗദിക്ക് പുറത്തുള്ള പ്രവാസികളുടെ എക്സിറ്റ്, റീ എൻട്രി വിസാ കാലാവധി നീട്ടുന്ന നടപടികൾ പൂർത്തിയായി.
ഓഗസ്റ്റ് മുതൽ അവധി ദിവസങ്ങളിലും തുറന്ന് പ്രവർത്തിക്കുമെന്ന് ദുബായിലെ ഇന്ത്യൻ കോണ്സുലേറ്റ്
09:19 AM Jul 29, 2020 | Deepika.com