ശനിയാഴ്ചയാണ് മുഖ്യമന്ത്രിക്ക് കോവിഡ് സ്ഥിരീകരിച്ചത്. ചൗഹാനെ ഭോപ്പാലിലെ ചിരായു മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരുന്നു. ആശുപത്രിക്കിടക്കയില് തുടര്ന്നുകൊണ്ട് ചൗഹാന് പ്രധാനമന്ത്രിയുടെ മന്കി ബാത് കാണുന്ന ഫോട്ടോ വാര്ത്താ ഏജന്സിയായ എഎന്ഐ പുറത്തുവിട്ടിരുന്നു. വൈറസ് ബാധിതനെങ്കിലും ചൗഹാന് ആരോഗ്യവാനാണെന്ന് ആശുപത്രി വൃത്തങ്ങള് അറിയിച്ചു.
രാജ്യത്ത് കോവിഡ് സ്ഥിരീകരിക്കുന്ന ആദ്യ മുഖ്യമന്ത്രിയാണ് ചൗഹൻ. രോഗലക്ഷണങ്ങൾ നേരത്തെ പ്രകടമായിരുന്നുവെന്നും പരിശോധനയിൽ ഫലം പോസിറ്റീവാണെന്നും മുഖ്യമന്ത്രി ട്വീറ്റ് ചെയ്യുകയായിരുന്നു. അടുത്തിടപഴകിയ ആളുകൾ ക്വാറന്റൈനിൽ പോകണമെന്നും സന്പർക്കത്തിലേർപ്പെട്ടവർ രോഗപരിശോധന നടത്തണമെന്നും അദ്ദേഹം അഭ്യർഥിച്ചിരുന്നു.