ഗാങ്ടോക്ക്: വടക്കുകിഴക്കൻ സംസ്ഥാനമായ സിക്കിമിൽ ആദ്യ കോവിഡ് മരണം റിപ്പോർട്ട് ചെയ്തു. 74 വയസുകാരനാണ് ഞായറാഴ്ച സർക്കാർ ആശുപത്രിയിൽവച്ച് മരിച്ചതെന്ന് ആരോഗ്യവകുപ്പ് അറിയിച്ചു.
കിഴക്കൻ സിക്കിം ജില്ലയിലെ താമസക്കാരനായിരുന്നു ഇയാൾ. ശനിയാഴ്ചയാണ് ആശുപത്രിയിൽ പ്രവേശിപ്പിച്ചത്. പിന്നീട് രോഗം മൂർച്ഛിക്കുകയും ഞായറാഴ്ച മരണം സംഭവിക്കുകയുമായിരുന്നു.
സംസ്ഥാനത്ത് ഒരാൾ കോവിഡ് വന്ന് മരിച്ചതിൽ അതീവ ദുഖം രേഖപ്പെടുത്തുന്നതായി മുഖ്യമന്ത്രി പ്രേം സിംഗ് തമാങ് പറഞ്ഞു. ജനങ്ങൾ ജാഗ്രത പാലിക്കണമെന്നും അദ്ദേഹം അഭ്യർഥിച്ചു.
ഔദ്യോഗിക കണക്കുകൾ പ്രകാരം ശനിയാഴ്ച വരെ സിക്കിമിൽ 357 കോവിഡ് കേസുകളാണ് റിപ്പോർട്ട് ചെയ്തിട്ടുള്ളത്.
ചൈന, ഭൂട്ടാന് എന്നിവിടങ്ങളുമായി അതിര്ത്തി പങ്കിടുന്നതിനാല് തന്നെ സിക്കിമിൽ കര്ശന നിയന്ത്രണങ്ങളാണ് ഏര്പ്പെടുത്തിയിരുന്നത്. ഒക്ടോബര് വരെ സംസ്ഥാനത്തിന് പുറത്ത് നിന്നുള്ളവര്ക്ക് പ്രവേശനം നിര്ത്തിവെച്ചിട്ടുണ്ട്.
സിക്കിമിൽ ആദ്യ കോവിഡ് മരണം; 74 കാരൻ മരിച്ചു
03:20 PM Jul 26, 2020 | Deepika.com