തിരുവനന്തപുരം: കോവിഡ് മഹാമാരിയുടെ കടുത്ത ഭീഷണി ഉയരുമ്പോള് പ്രതിരോധത്തിനായി അവബോധ കാര്ട്ടൂണുകള്. എല്ലാ ജില്ലകളിലും ആരംഭിച്ച കാര്ട്ടൂണ് മതില് പ്രചാരണത്തിന്റെ തുടര്ച്ചയായിട്ടാണ് ’കോവിഡ് ലൈന്സ്’ എന്ന പുതിയ പരിപാടി. കേരള സാമൂഹ്യ സുരക്ഷാ മിഷനും കേരള കാര്ട്ടൂണ് അക്കാദമിയും സംയുക്തമായാണ് ജനജാഗ്രതയ്ക്കായി പുതിയ യത്നത്തിന് തുടക്കമിടുന്നത്.
രസകരമായ ആശയങ്ങളിലൂടെ സമൂഹത്തെ ബോധവത്ക്കരിക്കുകയാണ് ലക്ഷ്യം. കോവിഡില് നിന്ന് രക്ഷപ്പെടാനുള്ള ആരോഗ്യ വകുപ്പിന്റെ ജാഗ്രതാ നിര്ദേശങ്ങള് കൂടുതലായി ജനങ്ങളിലെത്തിക്കുകയാണ് ഈ അവബോധ പരിപാടികളുടെ ലക്ഷ്യമെന്ന് ആരോഗ്യ മന്ത്രി കെ.കെ. ശൈലജ പറഞ്ഞു.
മഹാമാരിക്ക് എതിരെ സംസ്ഥാനമൊട്ടുക്ക് എല്ലാ ജില്ലകളിലും ഇതേ തരത്തില് സാമൂഹ്യ സുരക്ഷാ മിഷനുമായി ചേര്ന്ന് കാര്ട്ടൂണ് അക്കാദമി ഒരുക്കിയ കാര്ട്ടൂണ് മതില് വലിയ ജനശ്രദ്ധ നേടിയിരുന്നു.
കോവിഡ് ജാഗ്രത ശക്തമാക്കാന് കാര്ട്ടൂണുകളും
08:56 PM Jul 25, 2020 | Deepika.com