ന്യൂയോർക്ക്: അമേരിക്കയിൽ കോവിഡ് വ്യാപനം അതിരൂക്ഷം. വ്യാഴാഴ്ച 61,030 പുതിയ കോവിഡ് കേസുകളാണ് റിപ്പോർട്ട് ചെയ്തത്. ഇതോടെ അമേരിക്കയിലെ കോവിഡ് ബാധിതരുടെ എണ്ണം 41,61,905 ആയി ഉയർന്നു.
വ്യാഴാഴ്ച 974 പേർ കൂടി കോവിഡ് ബാധിച്ച് മരിച്ചതോടെ അമേരിക്കയിൽ കോവിഡ് മരണം 1,47,157 ആയി ഉയർന്നു. രാജ്യത്ത് 20,43,407 പേർ ഇപ്പോഴും ചികിത്സയിലാണ്.
അമേരിക്കയിൽ ന്യൂയോർക്ക് നഗരത്തിലാണ് കൂടുതൽ ആളുകൾ കോവിഡ് ബാധിച്ച് മരിച്ചത്. 32,654 പേരാണ് ഇവിടെ മാത്രം മരിച്ചത്. 4,37,503 പേർക്ക് ന്യൂയോർക്കിൽ കോവിഡ് സ്ഥിരീകരിച്ചു. ന്യൂജഴ്സി (15,808), മിഷിഗൻ (6,395), മാസച്യുസെറ്റ്സ് (8,468), ഇല്ലിനോയി (7,560), കണക്ടിക്കട്ട് (4,410), പെൻസിൽവാനിയ (7,164), കലിഫോർണിയ (8,158) സംസ്ഥാനങ്ങളിലും മരണം കൂടിവരികയാണ്.
അമേരിക്കയിൽ ഒറ്റദിവസം 61,000-ത്തോളം കോവിഡ് രോഗികൾ
03:27 AM Jul 24, 2020 | Deepika.com