ഇതാദ്യമായാണ് രാജ്യത്ത് ഒറ്റദിനം 40,000ലധികം കേസുകൾ രജിസ്റ്റർ ചെയ്യുന്നത്. 24 മണിക്കൂറിനിടെ 681 പേർ മരിക്കുകയും ചെയ്തു. ഇതോടെ കോവിഡ് ബാധിച്ച് മരിച്ചവരുടെ എണ്ണം 27,497 ആയി. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് ഇതുവരെ 7,00,087 പേർ രോഗമുക്തരായി. നിലവിൽ 3,90,459 പേർ ചികിത്സയിലാണ്.
രാജ്യത്ത് ജൂലൈ 19 വരെ 1,40,47,908 സാമ്പിളുകളാണ് പരിശോധിച്ചത്. ഞായറാഴ്ച മാത്രം 2,56,039 സാമ്പിളുകള് പരിശോധിച്ചെന്നും ഇന്ത്യൻ കൗണ്സിൽ ഓഫ് മെഡിക്കൽ റിസർച്ച് (ഐസിഎംആർ) അറിയിച്ചിരുന്നു.