അഹമ്മദാബാദ്: ഗുജറാത്തിലെ കച്ചിലും ജമ്മു കാഷ്മീരിലും ശക്തമായ ഭൂചലനം. കച്ചിൽ ഞായറാഴ്ച രാത്രി 8.13 ന് ആണ് ഭൂചലനം അനുഭവപ്പെട്ടത്. രാജ്കോട്ടിൽനിന്നും 118 കിലോമീറ്റർ വടക്ക്-വടക്കുപടിഞ്ഞാറായിരുന്നു ഭൂകമ്പത്തിന്റെ പ്രഭവകേന്ദ്രം. റിക്ടർസ്കെയിലിൽ 5.5 തീവ്രത രേഖപ്പെടുത്തിയ ഭൂചലനമാണ് ഉണ്ടായത്.
കാഷ്മീരിൽ കട്രയിൽ നിന്ന് 90 കിലോമീറ്റർ കിഴക്കായാണ് ഭൂചലനം അനുഭവപ്പെട്ടത്. റിക്ടർസ്കെയിലിൽ 3.0 തീവ്രത രേഖപ്പെടുത്തി. ഞായറാഴ്ച രാത്രി 8.35 ഓടെയായിരുന്നു ഇത്. ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല.
ഗുജറാത്തിലെ കച്ചിലും കാഷ്മീരിലും ശക്തമായ ഭൂചലനം
10:28 PM Jun 14, 2020 | Deepika.com