ന്യൂഡല്ഹി: രാജ്യത്ത് 24 മണിക്കൂറിനിടെ 11,000ത്തില് അധികം ആളുകള്ക്ക് കോവിഡ് ബാധിച്ചു. 11,458 പേര്ക്കാണ് രോഗം ബാധിച്ചത്. രാജ്യത്ത് ആദ്യമായാണ് ഒരു ദിവസം ഇത്രയും കോവിഡ് കേസുകള് റിപ്പോര്ട്ട് ചെയ്യുന്നത്.
ഇതോടെ രാജ്യത്തെ കോവിഡ് രോഗികളുടെ എണ്ണം 3,08,993 ആയി. 24 മണിക്കൂറിനിടെ രാജ്യത്ത് 386 പേര് കോവിഡ് ബാധിച്ചു മരിച്ചു. ഇതോടെ രാജ്യത്തെ കോവിഡ് മരണ സംഖ്യ 8,884 ആയി ഉയര്ന്നു.
അതേസമയം, മഹാരാഷ്ട്രയില് കോവിഡ് രോഗികളുടെ എണ്ണം ഒരു ലക്ഷം കടന്നു. 3,493 പേര്ക്കാണ് ഏറ്റവും പുതിയതായി രോഗം ബാധിച്ചത്. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 1,01,141 ആയി. ഇവിടെ മരണ സംഖ്യ 3,493 ആയി.
തമിഴ്നാട്ടില് രോഗികളുടെ എണ്ണം 40,698 ആയി. 1,982 പേര്ക്കാണ് ഏറ്റവും പുതിയതായി രോഗം ബാധിച്ചത്. ചെന്നൈയില് മാത്രം 1,477 പേര്ക്കാണ് രോഗം ബാധിച്ചത്. സംസ്ഥാനത്ത് 367 പേര്ക്ക് ജീവന് നഷ്ടമായി.
ആശങ്ക ഒഴിയുന്നില്ല; രാജ്യത്ത് 24 മണിക്കൂറിനിടെ 11,458 കോവിഡ് കേസുകള്
10:01 AM Jun 13, 2020 | Deepika.com