തിരുവനന്തപുരം: സംസ്ഥാനത്ത് ഇന്ന് 78 പേര്ക്ക് കോവിഡ്19 സ്ഥിരീകരിച്ചു. തൃശൂര്, മലപ്പുറം ജില്ലകളില് 14 പേര്ക്ക് വീതവും, ആലപ്പുഴയിൽ 13 പേര്ക്കും, പത്തനംതിട്ടയിൽ ഏഴ് പേര്ക്കും, എറണാകുളം, പാലക്കാട് ജില്ലകളില് അഞ്ച് പേര്ക്ക് വീതവും, കൊല്ലം, കോഴിക്കോട്, കാസര്ഗോഡ് ജില്ലകളില് നാല് പേര്ക്ക് വീതവും, കോട്ടയം, കണ്ണൂര് ജില്ലകളില് മൂന്ന് പേര്ക്ക് വീതവും, തിരുവനന്തപുരം, ഇടുക്കി ജില്ലകളില് ഒരാള്ക്ക് വീതവുമാണ് രോഗം സ്ഥിരീകരിച്ചത്.
കോവിഡ് സ്ഥിരീകരിച്ചവരിൽ 36 പേര് വിദേശ രാജ്യങ്ങളില് നിന്നും (യുഎഇ- 17, കുവൈറ്റ്- 12, സൗദി അറേബ്യ- 4, ഒമാന്- 2, മാലിദ്വീപ്- 1) 31 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര- 16, ഡല്ഹി- 7, തമിഴ്നാട്- 3, കര്ണാടക- 2, ആന്ധ്രാപ്രദേശ്- 1, ജാര്ഖണ്ഡ്- 1, ജമ്മുകാഷ്മീര്- 1) വന്നതാണ്. 10 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തൃശൂരിൽ ഏഴ് പേര്ക്കും മലപ്പുറത്ത് മൂന്ന് പേര്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
കണ്ണൂരിൽ വ്യാഴാഴ്ച മരിച്ച ഉസ്മാന് കുട്ടിക്ക് (71) കോവിഡ് 19 രോഗബാധ സ്ഥിരീകരിച്ചു. ജൂണ് ഒൻപതിന് മുംബൈയില് നിന്നും ട്രെയിന് മാര്ഗമാണ് ഇദ്ദേഹം സംസ്ഥാനത്തെത്തിയത്. ഹൃദ്രോഗിയായിരുന്ന ഇദ്ദേഹത്തിന് ഗുരുതര ശ്വാസകോശ രോഗവും ഉണ്ടായിരുന്നു. ഇതോടെ സംസ്ഥാനത്ത് കോവിഡ് ബാധിച്ച് 19 പേരാണ് മരണമടഞ്ഞത്.
രോഗം സ്ഥിരീകരിച്ച് ചികിത്സയിലായിരുന്ന 32 പേരുടെ പരിശോധനാഫലം നെഗറ്റീവായി. കൊല്ലത്ത് ഏഴ് പേരുടെയും, പാലക്കാട്ട് ആറ് പേരുടെയും, ഇടുക്കി, എറണാകുളം, തൃശൂര് ജില്ലകളില് നിന്നുള്ള നാല് പേരുടെ വീതവും, കോഴിക്കോട്, കണ്ണൂര് ജില്ലകളില് നിന്നുള്ള രണ്ട് പേരുടെ വീതവും, തിരുവനന്തപുരം, കോട്ടയം, കാസർഗോഡ് ജില്ലകളില് നിന്നുള്ള ഓരോരുത്തരുടെ വീതവും പരിശോധനാഫലമാണ് നെഗറ്റീവ് ആയത്. 1,303 പേരാണ് രോഗം സ്ഥിരീകരിച്ച് ചികിത്സയിലുള്ളത്. 999 പേര് ഇതുവരെ കോവിഡ് മുക്തരായി.
വിവിധ ജില്ലകളിലായി 2,27,402 പേര് നിരീക്ഷണത്തിലാണ്. ഇവരില് 2,25,417 പേര് വീട്/ഇന്സ്റ്റിറ്റ്യൂഷണല് ക്വാറന്റൈനിലും 1,985 പേര് ആശുപത്രികളിലും നിരീക്ഷണത്തിലാണ്. 242 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 5,001 സാമ്പിളുകളാണ് പരിശോധിച്ചത്. ഇതുവരെ 1,06,850 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് 3,392 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 28,356 സാമ്പിളുകള് ശേഖരിച്ചതില് 26,143 സാമ്പിളുകള് നെഗറ്റീവ് ആയി.
കേരളത്തിൽ 78 പേർക്ക് കൂടി കോവിഡ്
06:05 PM Jun 12, 2020 | Deepika.com