കോ​വി​ഡാ​ന​ന്ത​ര ലോ​കം; ഇ​ന്ത്യ പോ​രാ​ടും, അ​തി​ജീ​വി​ക്കും: രാ​ഹു​ൽ ഗാ​ന്ധി

ന്യൂ​ഡ​ൽ​ഹി: കോ​വി​ഡാ​ന​ന്ത​ര ലോ​കം സം​ബ​ന്ധി​ച്ച് യു​എ​സ് മു​ൻ അം​ബാ​സി​ഡ​ർ നി​ക്കോ​ളാ​സ് ബേ​ൺ​സു​മാ​യി ച​ർ​ച്ച ന​ട​ത്തി കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. ഇ​ന്ത്യ-​യു​എ​സ് ബ​ന്ധ​വും ജോ​ർ​ജ് ഫ്ളോ​യി​ഡി​ന്‍റെ മ​ര​ണ​വും ഇ​രു​വ​രും ത​മ്മി​ലു​ള്ള ച​ർ​ച്ച​യി​ൽ വി​ഷ​യ​മാ​യി. ഇ​ന്ത്യ​യി​ൽ കേ​ന്ദ്ര​സ​ർ​ക്കാ​ർ കോ​വി​ഡി​നെ നേ​രി​ട്ട രീ​തി​യെ ച​ർ​ച്ച​യി​ൽ രാ​ഹു​ൽ വി​മ​ർ​ശി​ച്ചു.

കേ​ന്ദ്രം ഏ​ക​പ​ക്ഷീ​യ​മാ​യാ​ണ് തീ​രു​മാ​ന​മെ​ടു​ക്കു​ന്ന​തെ​ന്ന് രാ​ഹു​ൽ ആ​രോ​പി​ച്ചു. കേ​ന്ദ്ര​ത്തി​ന്‍റെ ലോ​ക്ക്ഡൗ​ൺ തീ​രു​മാ​നം എ​ല്ലാ ജ​ന​ങ്ങ​ളെ​യും ബാ​ധി​ക്കു​ന്ന​താ​യി​രു​ന്നു. ആ​യി​ര​ക്ക​ണ​ക്കി​ന് കു​ടി​യേ​റ്റ തൊ​ഴി​ലാ​ളി​ക​ളാ​ണ് കാ​ൽ​ന​ട​യാ​യി ആ​യി​ര​ക്ക​ണ​ക്കി​ന് കി​ലോ​മീ​റ്റ​റു​ക​ൾ താ​ണ്ടി വീ​ടു​ക​ളി​ലേ​ക്ക് പോ​യ​ത്. ഇ​ത്ത​ര​ത്തി​ലു​ള്ള നേ​തൃ​ത്വം വ​ൻ​പ​രാ​ജ​യ​മാ​ണെ​ന്നും രാ​ഹു​ൽ പ​റ​ഞ്ഞു.

കോ​വി​ഡി​നോ​ട് യു​ദ്ധം ചെ​യ്തു​കൊ​ണ്ടി​രി​ക്കു​ക​യാ​ണ്. താ​ൻ ശു​ഭ​പ്ര​തീ​ക്ഷ​യി​ലാ​ണ്, രാ​ജ്യം തി​രി​ച്ചു​വ​ര​വ് ന​ട​ത്തും. രാ​ജ്യ​ത്തി​ന്‍റെ ഡി​എ​ന്‍​എ ത​നി​ക്ക് മ​ന​സി​ലാ​കു​മെ​ന്നും രാ​ഹു​ല്‍ പ​റ​ഞ്ഞു. ഇ​പ്പോ​ൾ മോ​ശം അ​വ​സ്ഥ​യി​ലൂ​ടെ​യാ​ണ് രാ​ജ്യം ക​ട​ന്നു​പോ​കു​ന്ന​ത്. കോ​വി​ഡ് ഭ​യാ​ന​ക​മാ​യ അ​വ​സ്ഥ​യാ​ണ്. പ​ക്ഷേ പ്ര​തി​സ​ന്ധി​ക്കി​ട​യി​ലും പു​തി​യ ആ​ശ​യ​ങ്ങ​ൾ ഉ​യ​ർ​ന്നു​വ​രു​ന്ന​ത് കാ​ണു​ന്നു. ആ​ളു​ക​ൾ മു​മ്പ​ത്തേ​തി​നേ​ക്കാ​ൾ കൂ​ടു​ത​ൽ പ​ര​സ്പ​രം സ​ഹ​ക​രി​ക്കു​ന്നു. ഒ​ന്നി​ച്ച് നി​ല്‍​ക്കു​ന്ന​തി​ന്‍റെ ഗു​ണ​മെ​ന്താ​ണെ​ന്ന് അ​വ​രി​പ്പോ​ള്‍ തി​രി​ച്ച​റി​യു​ന്നു- രാ​ഹു​ല്‍ കൂ​ട്ടി​ച്ചേ​ര്‍​ത്തു.

കോ​വി​ഡ് പ്ര​തി​സ​ന്ധി ലോ​ക​ത്തി​ലെ അ​ധി​കാ​ര സ​ന്തു​ലി​താ​വ​സ്ഥ​യെ എ​ങ്ങ​നെ മാ​റ്റി​മ​റി​ക്കു​മെ​ന്ന് രാ​ഹു​ൽ ബേ​ൺ​സി​നോ​ട് ചോ​ദി​ച്ചു. കാ​ലാ​വ​സ്ഥാ വ്യ​തി​യാ​നം പോ​ലു​ള്ള വി​ഷ​യ​ങ്ങ​ളി​ൽ ലോ​ക​രാ​ജ്യ​ങ്ങ​ൾ ത​മ്മി​ലെ രാ​ഷ്ട്രീ​യ വൈ​ര്യം മാ​റ്റി​വ​യ്ക്കാ​ൻ പോ​കു​ക​യാ​ണ്. കാ​ര​ണം ഇ​തു​പോ​ലു​ള്ള പ്ര​ശ്ന​ങ്ങ​ൾ എ​ല്ലാ​വ​രു​ടേ​യും നി​ല​നി​ൽ​പ്പി​ന്‍റെ​താ​ണെ​ന്ന് ബേ​ൺ​സ് പ​റ​ഞ്ഞു.

17 വ​ർ​ഷ​ത്തി​നി​ട​യി​ലെ ആ​ദ്യ​ത്തെ പ​ക​ർ​ച്ച​വ്യാ​ധി​യാ​ണി​ത്. വ​രും വ​ർ​ഷ​ങ്ങ​ളി​ൽ ഇ​തി​ൽ കൂ​ടു​ത​ൽ ഉ​ണ്ടാ​യേ​ക്കാം. ആ​ഗോ​ള സ​മൂ​ഹ​മാ​യി ന​മു​ക്ക് പ്ര​തി​ക​രി​ക്കാ​നാ​കു​മോ? ന​മു​ക്ക് ഒ​രു​മി​ച്ച് പ്ര​വ​ർ​ത്തി​ക്കാ​ൻ ക​ഴി​യു​മോ? ഇ​താ​ണ് കോ​വി​ഡ് മു​ൻ​പോ​ട്ടു​വ​യ്ക്കു​ന്ന എ​റ്റ​വും വ​ലി​യ വെ​ല്ലു​വി​ളി​യെ​ന്നും അ​ദ്ദേ​ഹം പ​റ​ഞ്ഞു.