ആഗ്ര: രാജ്യത്ത് കോവിഡ് 19 രോഗവ്യാപനം തുടരുന്നതിനിടയിൽ ആഗ്രയിൽ നിന്നുമൊരു ആശ്വാസ വാർത്ത. 97 വയസുകാരിക്ക് രോഗം ഭേദമായതാണ് ആരോഗ്യപ്രവർത്തകർക്കും ഉത്തർപ്രദേശ് സർക്കാരിനും ആശ്വാസമായത്.
ആഗ്രയിലെ ഗാന്ധിനഗർ കോളനി നിവാസിയായ മുൻ എൻജിനിയറാണ് വയോധിക. രോഗം ഭേദമായ ഇവരെ വീട്ടിലേക്ക് മാറ്റി.
ഇന്ന് ഒൻപത് പേർക്കു കൂടി ആഗ്രയിൽ രോഗം സ്ഥിരീകരിച്ചിട്ടുണ്ട്. ഇതോടെ ആഗ്രയിൽ കോവിഡ് ബാധിതരുടെ എണ്ണം നാലക്കം കടന്നു. 1,008 പേർക്കാണ് ഇതുവരെ രോഗം ബാധിച്ചത്. ഇതിൽ 840 പേർ രോഗമുക്തരായി. 56 പേരാണ് ഇതുവരെ ആഗ്രയിൽ കോവിഡ് ബാധിച്ച് മരിച്ചത്.
ആശങ്കയിലും പ്രതീക്ഷ; ആഗ്രയിൽ 97 വയസുകാരിക്ക് കോവിഡ് ഭേദമായി
11:46 AM Jun 12, 2020 | Deepika.com