ന്യൂയോർക്ക്: അമേരിക്കയിൽ കോവിഡ് മരണം 1.16 ലക്ഷത്തിലേക്ക്. ദിനംപ്രതി നൂറുകണക്കിന് ആളുകളാണ് ഇവിടെ കോവിഡ് ബാധിച്ച് മരണത്തിന് കീഴടങ്ങുന്നത്. വ്യാഴാഴ്ച 862 പേർക്കാണ് അമേരിക്കയിൽ കോവിഡ്മൂലം ജീവൻ നഷ്ടമായത്. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 1,15,992 ആയി.
വ്യാഴാഴ്ച 21,609 പുതിയ കോവിഡ് കേസുകളാണ് റിപ്പോർട്ട് ചെയ്തത്. ഇതോടെ അമേരിക്കയിലെ കോവിഡ് ബാധിതരുടെ എണ്ണം 20,88,010 ആയി ഉയർന്നു. രാജ്യത്ത് ഇതുവരെ 8,13,497 പേരാണ് രോഗമുക്തി നേടിയത്. 11,58,521 പേർ ഇപ്പോഴും ചികിത്സയിലാണ്.
അമേരിക്കയിൽ ന്യൂയോർക്ക് നഗരത്തിലാണ് കൂടുതൽ ആളുകൾ കോവിഡ് ബാധിച്ച് മരിച്ചത്. 30,739 പേരാണ് ഇവിടെ മാത്രം മരിച്ചത്. 4,02,019 പേർക്ക് ന്യൂയോർക്കിൽ കോവിഡ് സ്ഥിരീകരിച്ചു.
അമേരിക്കയിൽ കോവിഡ് മരണം 1.16 ലക്ഷത്തിലേക്ക്
03:54 AM Jun 12, 2020 | Deepika.com