തിരുവനന്തപുരം: കേരള സംസ്ഥാന ഭാഗ്യക്കുറി ജൂലൈ മാസത്തിൽ ഞായറാഴ്ച ഒഴികെ എല്ലാ ദിവസങ്ങളിലും നറുക്കെടുപ്പ് നടത്താൻ തീരുമാനം.
ഇതുപ്രകാരം തിങ്കളാഴ്ച വിൻവിൻ (ഒന്നാം സമ്മാനം 75 ലക്ഷം രൂപ), ചൊവ്വ സ്ത്രീശക്തി (ഒന്നാം സമ്മാനം 75 ലക്ഷം രൂപ), ബുധൻ അക്ഷയ (ഒന്നാം സമ്മാനം 70 ലക്ഷം രൂപ), വ്യാഴം കാരുണ്യ പ്ലസ് (ഒന്നാം സമ്മാനം 80 ലക്ഷം രൂപ), വെള്ളി നിർമൽ (ഒന്നാം സമ്മാനം 70 ലക്ഷം രൂപ), ശനി കാരുണ്യ (ഒന്നാം സമ്മാനം 80 ലക്ഷം രൂപ) എന്നീ ഭാഗ്യക്കുറികൾ നറുക്കെടുക്കും.
ഞായറാഴ്ചകളിൽ നറുക്കെടുക്കുന്ന പൗർണമി ഭാഗ്യക്കുറിയുടെ ജൂലൈ മാസത്തെ ആർഎൻ 450, 451, 452, 453 നന്പർ ടിക്കറ്റുകൾ റദ്ദു ചെയ്തു. മണ്സൂണ് ബന്പർ ഭാഗ്യക്കുറി ജൂലൈ 30-ന് നറുക്കെടുക്കും. കോവിഡ് മുൻകരുതലുകൾ പൂർണമായും പാലിച്ചുകൊണ്ടാണ് ടിക്കറ്റ് വില്പന നടത്തുക.
കണ്ടെയ്മെന്റ് സോണുകളിലും സന്പൂർണ ലോക്ക്ഡൗണുള്ള ഞായറാഴ്ചകളിലും ടിക്കറ്റ് വിൽപ്പനയില്ല. ലോക്ക്ഡൗണ് മൂലം മാർച്ചിൽ നറുക്കെടുപ്പ് മാറ്റിവച്ച എട്ട് ഭാഗ്യക്കുറികളുടെ നറുക്കെടുപ്പ് ഈ മാസത്തിൽ ചൊവ്വ, വെള്ളി ദിവസങ്ങളിലായി നടത്തിവരികയാണ്.
ഞായറാഴ്ച ലോട്ടറി ടിക്കറ്റ് വിൽപ്പനയില്ല; ബാക്കി എല്ലാ ദിവസവും നറുക്കെടുപ്പ്
05:05 PM Jun 10, 2020 | Deepika.com