ന്യൂഡൽഹി: കോവിഡ് വ്യാപനത്തിന്റെ പശ്ചാത്തലത്തിൽ പാർലമെന്റിലും പരിസര പ്രദേശങ്ങളിലും വീണ്ടും ശുചീകരണം നടത്തി. പാർലമെന്റ് ജീവനക്കാരായ ആറ് പേർക്ക് ഇതിനോടകം കൊറോണ വൈറസ് ബാധിച്ചതിനെ തുടർന്നാണ് നടപടി.
പാർലമെന്റ് കെട്ടിടത്തിനുള്ളിൽ പ്രവർത്തിക്കുന്ന കേന്ദ്ര പൊതുമരാമത്ത് വകുപ്പ്, ന്യൂഡൽഹി മുനിസിപ്പൽ കൗണ്സിൽവകുപ്പുകൾക്ക് പുറമേ മറ്റ് വിഭാഗങ്ങളിലും ശുചീകരണം നടത്തി. സോഡിയം ഹൈഡ്രോക്ലോറൈഡ് പോലുള്ള രാസ അണുനാശിനികളുപയോഗിച്ചാണ് ശുചീകരണം നടത്തിയത്.
കെട്ടിടങ്ങളുടെ അകത്തും പുറത്തും, വിശ്രമ മുറികളിലുമാണ് ശുചീകരണം നടത്തിയത്. മാർച്ച് മാസം മുതൽ പാർലമെന്റിൽ ശുചീകരണ പ്രവർത്തനങ്ങൾ നടക്കുന്നുണ്ട്.
കോവിഡ്: പാർലമെന്റിലും പരിസരങ്ങളിലും വീണ്ടും ശുചീകരണം നടത്തി
06:34 AM May 31, 2020 | Deepika.com