വാഷിംഗ്ടണ് ഡിസി: അമേരിക്കയിൽ കറുത്തവർഗക്കാരനായ ജോർജ് ഫ്ളോയിഡ് എന്ന യുവാവിനെ പോലീസ് കൊല ചെയ്ത സംഭവത്തിൽ അമേരിക്കയിൽ വൻ പ്രതിഷേധ സമരങ്ങൾ അരങ്ങേറുകയാണ്. ഈ സമരങ്ങൾക്കെതിരെ അമേരിക്കൻ പ്രസിഡന്റ് ഡൊണാൾഡ് ട്രംപ് സോഷ്യൽമീഡിയിൽ നിരവധി പോസ്റ്റുകൾ ഇട്ടിരുന്നു.
ഇതിനെതിരെ നടപടികൾ സ്വീകരിക്കാത്തതിവിശദീകരണവുമായി രംഗത്തെത്തിയിരിക്കുകയാണ് ഫേസ്ബുക്ക് മേധാവി മാർക്ക് സക്കർബർഗ്.
ട്രംപിന്റെ പോസ്റ്റുകൾ ഫേസ്ബുക്കിന്റെ നയങ്ങൾ ലംഘിക്കുന്നില്ലെന്നും സർക്കാർ സൈന്യത്തെ വിന്യസിക്കാൻ പദ്ധതിയിടുന്നുണ്ടോ എന്നത് ഫേസ്ബുക്ക് ഉപയോക്താക്കൾ അറിഞ്ഞിരിക്കേണ്ട കാര്യമാണെന്നും സക്കർബർഗ് പറഞ്ഞു.
ഈ വിഷയത്തിൽ പ്രസിഡന്റിന്റെ പ്രതികരണത്തിൽ തനിക്ക് ശക്തമായ വിയോജിപ്പുണ്ട്. എന്നാൽ, അധികാര സ്ഥാനങ്ങളിലുള്ളവരുടെ ഉത്തരവാദിത്വം എത്രത്തോളമുണ്ടെന്ന് അവരുടെ പ്രസ്താവനകൾ തുറന്നുകാണിക്കുന്പോൾ മാത്രമേ മനസിലാകൂ എന്നും സക്കർബർഗ് പറഞ്ഞു.
ട്രംപിന്റെ പോസ്റ്റുകൾക്കെതിരെ നടപടി സ്വീകരിക്കാത്തതിന്റെ കാരണം വിശദീകരിച്ച് സക്കർബർഗ്
06:28 AM May 31, 2020 | Deepika.com