തിരുവനന്തപുരം: മദ്യവിൽപ്പനയ്ക്കുള്ള മൊബൈൽ ആപ്ലിക്കേഷൻ ബെവ്ക്യൂവിലെ ക്യുആർ കോഡ് ലഭിക്കുന്നതുമായി ബന്ധപ്പെട്ട പ്രശ്നം തുടരുന്ന സാഹചര്യത്തിൽ ബദൽ മാർഗവുമായി ബെവ്കോ. ബുക്ക് ചെയ്തവരുടെ പട്ടിക മദ്യവിതരണ കേന്ദ്രങ്ങൾക്ക് കൈമാറാനാണ് പുതിയ തീരുമാനം.
ഈ പട്ടിക പരിശോധിച്ച് ബിവറേജസ് ഔട്ട്ലെറ്റുകളിൽ ഇനി മദ്യം നൽകുക. പുതിയ ക്രമീകരണം താത്കാലികമായിരിക്കുമെന്നും ബെവ്കോ പറയുന്നു. ആപ്പിൽ തകരാർ സംഭവിച്ചതിനെ തുടർന്ന് ശനിയാഴ്ച രാവിലെയും ബിവറേജസ് ഷോപ്പുകളിൽ നീണ്ടനിരയാണ് അനുഭവപ്പെട്ടത്.
ബെവ്ക്യൂ ആപ്പിലെ ക്യുആർ കോഡ് പ്രശ്നം: ബദൽ മാർഗവുമായി ബെവ്കോ
10:45 AM May 30, 2020 | Deepika.com