തിരുവനന്തപുരം:ചീഫ് സെക്രട്ടറിയായി ഡോ. വിശ്വാസ് മേത്ത ജൂൺ ഒന്നിന് ചുമതലയേൽക്കും. തിങ്കളാഴ്ച രാവിലെ ഓഫിസിൽ നടക്കുന്ന ചടങ്ങിൽ നിലവിലെ ചീഫ് സെക്രട്ടറി ടോം ജോസിൽ നിന്നു ചുമതല ഏറ്റെടുക്കും.
31 ഞായറാഴ്ചയായ സാഹചര്യത്തിലാണ് ജൂൺ ഒന്നിനു ചുമതലയേൽക്കുന്നത്. രാജസ്ഥാൻ സ്വദേശിയായ 1986 ബാച്ച് കേരള കേഡ൪ ഉദ്യോഗസ്ഥനാണ് വിശ്വാസ് മേത്ത.
വിരമിക്കുന്ന ചീഫ് സെക്രട്ടറി ടോം ജോസിന് ശനിയാഴ്ച യാത്രയയപ്പു നൽകും. വൈകുന്നേരം ഡ൪ബാ൪ ഹാളിൽ ചേരുന്ന യോഗത്തിൽ മുഖ്യമന്ത്രി പിണറായി വിജയൻ ഉപഹാരം നൽകും. കോവിഡ് നിയന്ത്രണങ്ങളെ തുട൪ന്ന് മന്ത്രിമാരും ഏതാനും സെക്രട്ടറിമാരും മാത്രമാണ് യാത്രയയപ്പു ചടങ്ങിൽ പങ്കെടുക്കുക. ജീവനക്കാർക്ക് പ്രവേശനമില്ല.
വിശ്വാസ് മേത്ത ചീഫ് സെക്രട്ടറിയായി തിങ്കളാഴ്ച ചുമതലയേൽക്കും
09:06 PM May 29, 2020 | Deepika.com