ന്യൂഡൽഹി: ഇന്ത്യ-ചൈന അതിർത്തി തർക്ക വിഷയത്തിൽ ഇടപെട്ട് പ്രധാനമന്ത്രി നരേന്ദ്ര മോദി. പ്രശ്നം ചർച്ച ചെയ്യാൻ പ്രധാനമന്ത്രി ഉന്നതതല യോഗം വിളിച്ചുചേർത്തതായാണ് റിപ്പോർട്ട്.
ദേശീയ സുരക്ഷാ ഉപദേഷ്ടാവ് അജിത് ദോവൽ, ചീഫ് ഓഫ് ഡിഫൻസ് സ്റ്റാഫ് ബിപിൻ റാവത്ത്, മൂന്നു സേനാ മേധാവികൾ എന്നിവർ യോഗത്തിൽ പങ്കെടുത്തു. യോഗത്തിനു തൊട്ടുമുന്പ് പ്രധാനമന്ത്രി പ്രധാനമന്ത്രി വിദേശകാര്യ സെക്രട്ടറിയുമായി കൂടിക്കാഴ്ച നടത്തിയിരുന്നു.
പ്രതിരോധമന്ത്രി രാജ്നാഥ് സിംഗുമായി കൂടിക്കാഴ്ച നടത്തിയ ശേഷമാണ് മൂന്നു സേനാ മേധാവികളും പ്രധാനമന്ത്രിയെ കാണാൻ എത്തിയത്. അതിർത്തിയിലെ സ്ഥിതിഗതികൾ ഇവർ പ്രതിരോധമന്ത്രിയെ ധരിപ്പിച്ചു.
സിക്കിം, ലഡാക്ക് മേഖലകളിൽ ചൈനീസ് കടന്നുകയറ്റമുണ്ടായതിന്റെ പശ്ചാത്തലത്തിലാണ് ഡൽഹിയിലെ ഉന്നതതല യോഗങ്ങൾ. ലഡാക്കിനു സമീപം ചൈന വ്യോമതാവളം നിർമിച്ചതിന്റെ ദൃശ്യങ്ങൾ ഒരു ദേശീയ മാധ്യമം പുറത്തുവിട്ടിരുന്നു.
അതിർത്തി തർക്കത്തിൽ ഇടപെട്ട് പ്രധാനമന്ത്രി; ഡൽഹിയിൽ ഉന്നതതല യോഗങ്ങൾ
08:39 PM May 26, 2020 | Deepika.com