ലക്നോ: പ്രധാനമന്ത്രി നരേന്ദ്ര മോദിക്കെതിരെയും ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെതിരെയും മോശം പരാമർശം നടത്തിയത് കോൺഗ്രസ് നേതാവ് അൽക്ക ലംബയ്ക്കെതിരെ കേസ്. ഉത്തർപ്രദേശിലെ ഹസ്റത്ത്ഗഞ്ച് പോലീസാണ് അൽക്ക ലംബയ്ക്കെതിരെ കേസ് രജിസ്റ്റർ ചെയ്തിരിക്കുന്നത്.
ഉത്തർപ്രദേശ് ശിശു സംരക്ഷണ കമ്മീഷൻ അംഗം പ്രീതി വർമ നൽകിയ പരാതിയിലാണ് നടപടി. അൽക്ക ലംബ ട്വിറ്ററിലൂടെ മോശം പരാമർശം ഉന്നയിച്ചെന്നാണ് പരാതി.
അതേസമയം, രണ്ട് വർഷം മുൻപത്തെ ട്വീറ്റ് ആണ് ഇതെന്നും തനിക്കെതിരെ മറ്റൊന്നും കിട്ടാത്തത്കൊണ്ടാണ് ഇപ്പോൾ ഇത് ആയുധമാക്കുന്നതെന്നും അൽക്ക ലംബ പറഞ്ഞു.
പ്രധാനമന്ത്രിക്കെതിരെ മോശം പരാമർശം; അൽക്ക ലംബയ്ക്കെതിരെ കേസ്
07:12 PM May 26, 2020 | Deepika.com