തിരുവനന്തപുരം: സംസ്ഥാനത്ത് ചൊവ്വാഴ്ച 67 പേർക്ക് കോവിഡ് 19 സ്ഥിരീകരിച്ചു. പാലക്കാട്ട് 29 പേർക്കും കണ്ണൂരിൽ എട്ട് പേർക്കും കോട്ടയത്ത് ആറ് പേർക്കും എറണാകുളത്തും മലപ്പുറത്തും അഞ്ച് പേർക്ക് വീതവും കൊല്ലത്ത് നാല് പേർക്കും കാസർഗോട്ടും ആലപ്പുഴയിലും മൂന്ന് പേർക്കു വീതവുമാണ് ഇന്ന് കോവിഡ് സ്ഥിരീകരിച്ചത്.
കോവിഡ് സ്ഥിരീകരിച്ചവരിൽ 27 പേർ വിദേശത്തുനിന്നും എത്തിയവരാണ്. 33 പേർ മറ്റു സംസ്ഥാനങ്ങളിൽനിന്ന് എത്തിയവരാണ്. ഏഴ് പേർക്ക് സന്പർക്കത്തിലൂടെയാണ് രോഗം ബാധിച്ചത്. അതേസമയം രോഗം സ്ഥിരികരിച്ച് ചികിത്സയിലായിരുന്ന പത്ത് പേരുടെ പരിശോധനാഫലം നെഗറ്റീവായി. മലപ്പുറത്ത് മൂന്ന് പേരും കാസർഗോട്ടും പാലക്കാട്ടും രണ്ട് പേരും ആലപ്പുഴ, കോട്ടയം, എറണാകുളം ജില്ലകളിൽ ഒരോരുത്തരുമാണ് രോഗമുക്തി നേടിയത്.
സംസ്ഥാനത്ത് ഇതുവരെ 963 പേർക്ക് ഇതുവരെ രോഗം സ്ഥിരീകരിച്ചു. 415 പേരാണ് ചികിത്സയിലുള്ളത്. സംസ്ഥാനത്തെ വിവിധ ജില്ലകളിലായി 1,04,333 പേര് നിരീക്ഷണത്തിലാണ്. ഇവരില് 1,03,528 പേര് വീടുകളിലും 808 പേര് ആശുപത്രികളിലും നിരീക്ഷണത്തിലാണ്. 186 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
സംസ്ഥാനത്ത് 56,704 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 54,836 സാമ്പിളുകളുടെ പരിശോധനാഫലം നെഗറ്റീവാണ്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 8,599 സാമ്പിളുകള് ശേഖരിച്ചതില് 8,174 സാമ്പിളുകള് നെഗറ്റീവ് ആയി.
സംസ്ഥാനത്ത് ചൊവ്വാഴ്ച 67 പേർക്ക് കോവിഡ്
05:22 PM May 26, 2020 | Deepika.com