സൂററ്റ്: ശ്രമിക് ട്രെയിനില് കുടിയേറ്റത്തൊഴിലാളിയായ യുവതിക്ക് സുഖപ്രസവം. ഗുജറാത്തിലെ സൂററ്റിൽ നിന്നും ബിഹാറിലെ നവാഡയിലേക്കുള്ള ട്രെയിന് യാത്രയ്ക്കിടെയാണ് യുവതിക്ക് പ്രസവവേദന അനുഭവപ്പെട്ടത്.
കൂടെയുള്ളവർ അധികൃതരെ വിവരമറിയിച്ചതിനെ തുടർന്ന് ട്രെയിൻ ആഗ്രയിൽ നിർത്തി ട്രെയിനുള്ളിൽ പ്രസവിക്കുന്നതിനുള്ള സജ്ജീകരണമൊരുക്കി. പിന്നീട് യുവതിയെ ആശുപത്രിയിലേക്ക് മാറ്റി.
അമ്മയും കുട്ടിയും സുഖമായിരിക്കുന്നുവെന്ന് റെയില്വേ ട്വീറ്റ് ചെയ്തു. രാജ്യത്തെ വിവിധ ഭാഗങ്ങളിലേക്ക് മേയ് ഒന്നു മുതൽ സർവീസ് നടത്തിയ ശ്രമിക് ട്രെയിനുകളിൽ ഇതുവരെ 24 കുട്ടികളാണ് പിറന്നതെന്നും റെയിൽവേ അറിയിച്ചു.
ശ്രമിക് ട്രെയിനില് കുടിയേറ്റത്തൊഴിലാളിയായ യുവതിക്ക് സുഖപ്രസവം
07:39 PM May 24, 2020 | Deepika.com