കുവൈറ്റ് സിറ്റി: കുവൈറ്റിൽ കോവിഡ് ബാധിച്ച് മലയാളി നഴ്സ് മരിച്ചു. പത്തനംതിട്ട മലയാലപ്പുഴ ഏറം പുതുക്കുളത്ത് ജൈസണ് വില്ലയിൽ അന്നമ്മ ചാക്കോ (59) ആണ് ഞായറാഴ്ച മരിച്ചത്.
അൽ ഷാബ് മെഡിക്കൽ സെന്ററിലെ ഹെഡ് നഴ്സായ ഇവർ കഴിഞ്ഞ മൂന്നു ദിവസമായി കൊറോണ ബാധയെ തുടർന്ന് മുബാറക്ക് അൽ കബീർ ആശുപത്രിയിൽ ചികിത്സയിലായിരുന്നു. പരേതനായ പി.ടി. ചാക്കോയുടെ ഭാര്യയാണ്. ഇദ്ദേഹം കഴിഞ്ഞ വർഷമാണ് മരിച്ചത്.
പിതാവ് മാവേലിക്കര വെട്ടിയാർ എം.ഒ. പത്രോസ്. മക്കളായ സാറ ടെൻസണ്, തോമസ് ജേക്കബ് എന്നിവർ കുവൈറ്റിലുണ്ട്.
കുവൈറ്റിൽ മലയാളി നഴ്സ് കോവിഡ് ബാധിച്ച് മരിച്ചു
06:50 PM May 24, 2020 | Deepika.com