ദുബായ്: മാസപ്പിറവി ദൃശ്യമാവാത്തതിനെ തുടർന്ന് ഗൾഫ് രാജ്യങ്ങളിലും ചെറിയ പെരുന്നാൾ ഞായറാഴ്ച ആയിരിക്കുമെന്ന് അറിയിപ്പ്. ഒമാനിൽ പെരുന്നാൾ ദിവസം സംബന്ധിച്ച അറിയിപ്പ് ഇന്ന് വൈകിട്ടു മാത്രമേ ഉണ്ടാകൂ.
സൗദി അറേബ്യ, യുഎഇ, ഖത്തർ, ബഹ്റൈൻ, കുവൈത്ത് എന്നീ രാജ്യങ്ങളിൽ ചെറിയ പെരുന്നാൾ ഞായറാഴ്ച ആയിരിക്കുമെന്നാണ് അതത് രാജ്യങ്ങളുടെ മതകാര്യ വിഭാഗങ്ങൾ അറിയിച്ചത്.
ഇതോടെ കേരളത്തിലും ഈ ഗൾഫ് രാജ്യങ്ങളിലും പെരുന്നാൾ ഒരേ ദിവസമായി. ഒരു ദിവസം വൈകി റമദാൻ വ്രതം ആരംഭിച്ച ഒമാനിൽ ഞായറാഴ്ചയാണ് റമദാനിലെ 29-ാം ദിനം.
ഇന്ന് വൈകുന്നേരം മാസപ്പിറവി ദൃശ്യമാകുന്നതനുസരിച്ചായിരിക്കും ഒമാനിലെ പെരുന്നാൾ ദിനം തീരുമാനിക്കുന്നത്.
ഗൾഫ് രാജ്യങ്ങളിലും ചെറിയ പെരുന്നാൾ ഞായറാഴ്ച
06:36 AM May 23, 2020 | Deepika.com