കറാച്ചി: പാക്കിസ്ഥാനിലെ കറാച്ചിയിൽ ജനവാസമേഖലയിൽ യാത്രാവിമാനം തകർന്നുണ്ടായ അപകടത്തിൽ 37 പേർ മരിച്ചതായി റിപ്പോർട്ട്. മൂന്ന് പേർ അപകടത്തിൽനിന്നും അദ്ഭുതകരമായി രക്ഷപെട്ടു. ഇവരെ ആശുപത്രിയിൽ പ്രവേശിപ്പിച്ചു. മരിച്ച മുഴുവൻപേരും വിമാനത്തിലുള്ളവർ ആയിരുന്നോ അതോ സംഭവസ്ഥലത്ത് ഉണ്ടായിരുന്നവരും മരണപ്പെട്ടിട്ടുണ്ടോയെന്നത് സംബന്ധിച്ച് അറിവായിട്ടില്ല.
ലാഹോറിൽ നിന്ന് കറാച്ചിയിലേക്ക് വരികയായിരുന്ന പാക്കിസ്ഥാൻ ഇന്റർനാഷണൽ എയർലൈൻസ് വിമാനമാണ് തകർന്നത്. 91 യാത്രക്കാരും എട്ടു ജീവന ക്കാരും വിമാനത്തിലുണ്ടായിരുന്നു.
കറാച്ചി വിമാനത്താവളത്തിലേക്കുള്ള ലാൻഡിംഗിന് തൊട്ടുമുമ്പാണ് അപകടം. ജനങ്ങൾ തിങ്ങിപാർക്കുന്ന ജിന്നാ കോളനിക്ക് മുകളിലേക്കാണ് വിമാനം ഇടിച്ചി റങ്ങിയത്. തകർന്ന് വീഴുന്നതിനു മുൻപ് രണ്ടോ മൂന്നോവട്ടം ലാൻഡ് ചെയ്യാൻ വിമാനം ശ്രമിച്ചിരുന്നതായി ദൃക്സാക്ഷികളിലൊരാൾ പറഞ്ഞു. വിമാനം മൊബൈൽ ടവറിൽ ഇടിച്ച് കെട്ടടിടങ്ങൾക്ക് മുകളിലേക്ക് തകർന്ന് വീഴുകയായിരുന്നു- സംഭവത്തിനു ദൃക്സാക്ഷിയായ ഷാക്കീൽ അഹമ്മദ് പറയുന്നു.
കറാച്ചി വിമാനാപകടം: 37 പേർ മരിച്ചതായി റിപ്പോർട്ട്
08:48 PM May 22, 2020 | Deepika.com