കോട്ടയം: ജില്ലയില് ഇന്ന് രണ്ടു പേര്ക്കു കൂടി കോവിഡ്19 സ്ഥിരീകരിച്ചു. മുംബൈയില്നിന്ന് വന്ന വെള്ളാവൂര് സ്വദേശിയുടെയും (32) അബുദാബിയില്നിന്ന് എത്തിയ മേലുകാവ് സ്വദേശിയുടെയും(25) സാമ്പിള് പരിശോധനാ ഫലമാണ് പോസിറ്റീവായത്.
മുംബൈയില് നിന്നും മേയ് 19ന് കാറില് എത്തിയ യുവാവ് വീട്ടില് ക്വാറന്റയിനിലായിരുന്നു. മേയ് 18ന് അബുദാബി-കൊച്ചി വിമാനത്തില് എത്തിയ മേലുകാവ് സ്വദേശി ഗാന്ധിനഗറിലെ കോവിഡ് കെയര് സെന്ററില് ക്വാറന്റയിനില് കഴിയുകയായിരുന്നു.
ഇരുവരെയും കോട്ടയം മെഡിക്കല് കോളജ് ആശുപത്രിയിലേക്ക് മാറ്റി. ഇതോടെ ജില്ലയില് കോവിഡ് ബാധിച്ച് ചികിത്സയിലുള്ളവരുടെ എണ്ണം എട്ടായി.
കോട്ടയം ജില്ലയില് രണ്ടു പേര്ക്ക് കൂടി കോവിഡ്; ആകെ രോഗബാധിതര് എട്ട്
05:16 PM May 22, 2020 | Deepika.com