വാഷിംഗ്ടണ് ഡിസി: അമേരിക്കയിലെ ഫ്ളോറിഡയിൽ പരിശീലന പറക്കലിനിടെ യുദ്ധ വിമാനം തകർന്നു വീണു. ചൊവ്വാഴ്ച രാത്രിയായിരുന്നു സംഭവം. അപകടത്തിൽ ആർക്കും പരിക്കേറ്റിട്ടില്ലെന്ന് വ്യോമസേന വൃത്തങ്ങൾ അറിയിച്ചു.
എഫ്-35എ സ്റ്റെൽത്ത് ജെറ്റാണ് അപകടത്തിൽപെട്ടത്. ലാൻഡ് ചെയ്യാൻ ശ്രമിക്കുന്നതിനിടെയായിരുന്നു സംഭവം. പൈലറ്റ് രക്ഷപ്പെട്ടു. സംഭവത്തിൽ അധികൃതർ അന്വേഷണം പ്രഖ്യാപിച്ചു.
ഒരാഴ്ചയ്ക്കുള്ളിൽ അമേരിക്കയിൽ ഉണ്ടാകുന്ന രണ്ടാമത്തെ അപകടമായിരുന്നു ഇത്. എഫ്-22 എന്ന സ്റ്റെൽത്ത് ജെറ്റ് വെള്ളിയാഴ്ച പരീക്ഷണ പറക്കലിനിടെ എഗ്ലിൻ താവളത്തിനു സമീപം തകർന്നു വീണിരുന്നു.
പരിശീലന പറക്കലിനിടെ അമേരിക്കൻ യുദ്ധവിമാനം തകർന്നു വീണു
03:46 AM May 21, 2020 | Deepika.com