തിരുവനന്തപുരം: കോവിഡ് ലോക്ക്ഡൗണിന്റെ പശ്ചാത്തലത്തിൽ സംസ്ഥാനത്ത് ആരംഭിച്ച സമൂഹ അടുക്കളകൾ ഭാഗികമായി അടയ്ക്കുകയാണെന്നു മുഖ്യമന്ത്രി പിണറായി വിജയൻ. ആരും പട്ടിണി കിടക്കാൻ പാടില്ലെന്നും ആവശ്യമുള്ളവരെ മാത്രം സഹായിക്കുമെന്നും മുഖ്യമന്ത്രി വ്യക്തമാക്കി.
ലോക്ക്ഡൗണ് നിയന്ത്രണങ്ങൾ ഇളവ് ചെയ്തതോടെ ഇപ്പോൾ സമൂഹ അടുക്കളയുടെ ആവശ്യം കുറഞ്ഞു. അതുകൊണ്ടുതന്നെ എല്ലാ കിച്ചണുകളും പ്രവർത്തിക്കേണ്ടതില്ല. എല്ലാം അടച്ചുപൂട്ടാനായിട്ടില്ല. ആവശ്യമുള്ളവർക്കു സഹായമെത്തിക്കും. ആർക്കെങ്കിലും ഭക്ഷണത്തിനു ബുദ്ധിമുട്ടുണ്ടോ എന്ന് പ്രാദേശിക തലത്തിൽ പരിശോധിക്കണം. സമൂഹ അടുക്കള ലക്ഷക്കണക്കിന് ആളുകൾക്ക് പ്രയോജനകരമായെന്നും മുഖ്യമന്ത്രി ചൂണ്ടിക്കാട്ടി.
അതിഥി തൊഴിലാളികളോട് സഹാനൂഭൂതിയുണ്ടാകണം. സംസ്ഥാനത്ത് നിർമാണ പ്രവർത്തനങ്ങൾ ആരംഭിച്ചതിനാൽ അവർക്കു തൊഴിൽ ലഭിക്കും. ഇതിലൂടെ എല്ലാവരുടെയും പ്രയാസം മാറുമെന്നും മുഖ്യമന്ത്രി പറഞ്ഞു.
സമൂഹ അടുക്കളകൾ ഭാഗികമായി അടയ്ക്കുന്നു; ആവശ്യക്കാർക്കു മാത്രം സഹായം
06:35 PM May 20, 2020 | Deepika.com