ചെന്നൈ: തമിഴ്നാട്ടില് കോവിഡ് രോഗികളുടെ എണ്ണം വർധിക്കുന്നു. ഇന്ന് 639 പേർക്ക് കൂടി രോഗം സ്ഥിരീകരിച്ചു. ഇതോടെ 11,224 കേസുകളായി തമിഴ്നാട്ടില്. ഇന്ന് അഞ്ച് പേർ മരിച്ചു. ആകെ മരണം 78 ആയി.
ഇന്ന് സ്ഥിരീകരിച്ചവരിൽ 81 പേർ തമിഴ്നാടിന്റെ പുറത്തുനിന്ന് എത്തിയവരാണ്. ഇവരിൽ 73 പേർ മഹാരാഷ്ട്രയിൽ നിന്നും മൂന്നു പേർ തെലുങ്കാനയിൽ നിന്നും വന്നവരാണ്. കർണാടക, രാജസ്ഥാൻ എന്നീ സംസ്ഥാനങ്ങളിൽ നിന്നെത്തിയ രണ്ടു പേർക്ക് വീതവും ആന്ധ്രാപ്രദേശിൽ നിന്നെത്തിയ ഒരാൾക്കും ഇന്ന് കോവിഡ് സ്ഥിരീകരിച്ചു.
സംസ്ഥാനത്ത് നിലവിൽ 6971 പേരാണ് രോഗം ബാധിച്ച് ചികിത്സയിലുള്ളത്. 4,172 പേർ രോഗമുക്തി നേടി. ഇന്ന് മാത്രം 634 പേർ ഡിസ്ചാർജായി. ഇതുവരെ 3,26,720 സാമ്പിളുകൾ പരിശോധിച്ചു.
തമിഴ്നാട്ടിൽ കോവിഡ് രോഗികളുടെ എണ്ണം വർധിക്കുന്നു; ഇന്ന് മാത്രം 639 പോസിറ്റീവ് കേസുകൾ
07:03 PM May 17, 2020 | Deepika.com