അബുദാബി: യുഎഇയിൽ മലയാളി കോവിഡ് ബാധിച്ച് മരിച്ചു. കാസർകോട് തലപ്പാടി സ്വദേശി അബ്ബാസ് (45) ആണു മരിച്ചത്. കോവിഡ് ബാധയെ തുടർന്നു മഫ്റഖ് ആശുപത്രിയിൽ ചികിത്സയിലിരിക്കെ ഞായറാഴ്ച രാവിലെയായിരുന്നു അന്ത്യം.
ആയിഷയാണ് ഭാര്യ, പത്താം ക്ലാസ് വിദ്യാർഥിനി കുബ്റ, ഏഴാം ക്ലാസ് വിദ്യാർഥി സിനാൻ എന്നിവർ മക്കളാണ്. ഖലീഫ സിറ്റിയിലെ അൽഫുർസാൻ കന്പനിയിൽ 2009 മുതൽ ഡ്രൈവറായി ജോലി ചെയ്തു വരികയായിരുന്നു.
അടുത്ത ബന്ധുക്കളുടെ സാന്നിധ്യത്തിൽ ബനിയാസ് ഖബർസ്ഥാനിൽ ഞായറാഴ്ച ഉച്ചയ്ക്കു സംസ്കാരം നടത്തി. അവധി കഴിഞ്ഞ് ആറു മാസം മുന്പാണ് അബുദാബിയിൽ തിരിച്ചെത്തിയത്.
കാസർകോട് സ്വദേശി യുഎഇയിൽ കോവിഡ് ബാധിച്ച് മരിച്ചു
04:54 PM May 17, 2020 | Deepika.com