വാഷിംഗ്ടണ് ഡിസി: കോവിഡിനെതിരായ വാക്സിനും മരുന്നും വികസിപ്പിച്ചെടുക്കുന്നതിൽ ഇന്ത്യൻ-അമേരിക്കൻ ശാസ്ത്രജ്ഞരുടെയും ഗവേഷകരുടെയും പ്രയത്നങ്ങളെ പുകഴ്ത്തി അമേരിക്കൻ പ്രസിഡന്റ് ഡോണൾഡ് ട്രംപ്. വൈറ്റ് ഹൗസിൽ മാധ്യമങ്ങളോട് സംസാരിക്കവെയാണ് ഇന്ത്യൻ-അമേരിക്കൻ ശാസ്ത്രജ്ഞരുടെ സംഭാവനകളെ ട്രംപ് സ്മരിച്ചത്.
അമേരിക്കയിൽ വളരെയധികം ഇന്ത്യക്കാരുണ്ട്. നിങ്ങൾ ഉൾപ്പെടെ പറയുന്ന അവരിൽ പലരും വാക്സിൻ കണ്ടെത്താനുള്ള പ്രവർത്തനങ്ങളിലാണ്. മഹാ·ാരായ ശാസ്ത്രജ്ഞൻമാരും ഗവേഷകരും -ട്രംപ് അഭിപ്രായപ്പെട്ടു.
നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത്, സർവകലാശാലകൾ, ഗവേഷണ സ്ഥാപനങ്ങൾ, ബയോഫാർമ സ്റ്റാർട്ടപ്പുകൾ എന്നിവയിലുൾപ്പെടെ അസംഖ്യം ശാസ്ത്രജ്ഞർ മെഡിക്കൽ സയൻസസിന്റെ വിവിധ മേഖലകളെക്കുറിച്ച് ഗവേഷണം ചെയ്യുന്നുണ്ട്.
40 ലക്ഷത്തോളം ഇന്ത്യൻ വംശജർ യു.എസിലുണ്ടെന്നാണ് കണക്കുകൾ. അവരിൽ 25 ലക്ഷത്തോളം ആളുകൾക്ക് നവംബറിലെ പ്രസിഡന്റ് തെരഞ്ഞെടുപ്പ് വോട്ടെടുപ്പിലും നിർണായക സ്വാധീനമുണ്ട്. ഇത് മുൻകൂട്ടി കണ്ടാണ് ട്രംപിന്റ പുകഴ്ത്തലെന്നും അഭിപ്രായപ്പെടുന്നവർ ഉണ്ട്.
കോവിഡ് വാക്സിൻ ഗവേഷണം: ഇന്ത്യൻ-അമേരിക്കൻ ശാസ്ത്രജ്ഞരെ പുകഴ്ത്തി ട്രംപ്
01:31 AM May 17, 2020 | Deepika.com