കോ​വി​ഡ്: ഇ​ടു​ക്കി​യി​ലെ രോ​ഗി​യു​ടെ സ​ന്പ​ർ​ക്ക​പ്പ​ട്ടി​ക​യി​ൽ 1,500 പേ​ർ

തൊ​ടു​പു​ഴ: ഇ​ടു​ക്കി ജി​ല്ല​യി​ൽ കോ​വി​ഡ് സ്ഥി​രീ​ക​രി​ച്ച ക​രു​ണാ​പു​രം സ്വ​ദേ​ശി​യു​ടെ പ്രാ​ഥ​മി​ക സ​ന്പ​ർ​ക്ക പ​ട്ടി​ക​യി​ൽ 1,500 പേ​ർ വ​രു​മെ​ന്ന് സൂ​ച​ന. 39 കാ​ര​നാ​യ ഇ​യാ​ളു​ടെ പു​റ്റ​ടി​യി​ലെ ബേ​ക്ക​റി​യി​ൽ അ​ഞ്ച് മി​നി​റ്റി​ലേ​റെ ചി​ല​വ​ഴി​ച്ച​വ​രെ നി​രീ​ക്ഷ​ണ​ത്തി​ലാ​ക്കേ​ണ്ടി വ​രും.

സെ​ന്‍റി​ന​ൽ സ​ർ​വൈ​ല​ൻ​സ് പ്ര​കാ​രം ന​ട​ത്തി​യ പ​രി​ശോ​ധ​ന​യി​ലാ​ണ് ഇ​യാ​ൾ​ക്ക് കോ​വി​ഡ് സ്ഥി​രീ​ക​രി​ക്കു​ന്ന​ത്. സെ​ന്‍റി​ന​ൽ സ​ർ​വെ​യി​ല​ൻ​സി​ന്‍റെ ഭാ​ഗ​മാ​യി ബേ​ക്ക​റി ഉ​ട​മ ഉ​ൾ​പ്പെ​ടെ 40 പേ​രു​ടെ സ്ര​വ​മാ​ണ് പ​രി​ശോ​ധ​ന​യ്ക്ക് അ​യ​ച്ച​ത്. ഇ​തി​ൽ 39 പേ​രു​ടെ ഫ​ലം നെ​ഗ​റ്റീ​വാ​ണ്.

ബേ​ക്ക​റി​യു​ട​മ വ്യാ​ഴാ​ഴ്ച ഉ​ച്ച​ക​ഴി​ഞ്ഞു മൂ​ന്നു വ​രെ ക​ട​യി​ൽ ഉ​ണ്ടാ​യി​രു​ന്നെ​ന്നാ​ണ് വി​വ​രം. അ​തി​നാ​ൽ ക​ഴി​ഞ്ഞ ദി​വ​സ​ങ്ങ​ളി​ൽ ബേ​ക്ക​റി​യി​ലെ​ത്തി​യ​വ​രെ പ്ര​ത്യേ​കം നി​രീ​ക്ഷി​ക്കേ​ണ്ടി വ​രും. ഭാ​ര്യ​യും അ​ഞ്ചും ഒ​ൻ​പ​തും വ​യ​സ്‌​സു​ള്ള ര​ണ്ട് കു​ട്ടി​ക​ളു​മാ​ണ് ബേ​ക്ക​റി ഉ​ട​മ​യു​ടെ വീ​ട്ടി​ലു​ള്ള​ത്. ഭാ​ര്യ​യും കു​ട്ടി​ക​ളും നി​രീ​ക്ഷ​ണ​ത്തി​ലാ​ണ്.

പു​റ്റ​ടി​യി​ൽ നേ​ര​ത്തെ രോ​ഗം സ്ഥി​രീ​ക​രി​ച്ച യു​വാ​വു​മാ​യി ബേ​ക്ക​റി ഉ​ട​മ​യ്ക്ക് സ​ന്പ​ർ​ക്കം ഉ​ണ്ടാ​യി​ട്ടി​ല്ലെ​ന്നാ​ണ് സൂ​ച​ന. അ​തി​നാ​ൽ രോ​ഗം പി​ടി​പെ​ട്ട​ത് എ​വി​ടെ നി​ന്നാ​ണെ​ന്ന് ക​ണ്ടെ​ത്തേ​ണ്ട​തു​ണ്ട്. ച​ര​ക്ക് ലോ​റി ഡ്രൈ​വ​ർ​മാ​രി​ൽ നി​ന്നാ​കാം രോ​ഗം പ​ക​ർ​ന്ന​തെ​ന്നാ​ണ് പ്രാ​ഥ​മി​ക നി​ഗ​മ​നം.

ഓ​റ​ഞ്ച് സോ​ണി​ൽ ഉ​ൾ​പ്പെ​ട്ട ജി​ല്ല​യി​ൽ ക​ഴി​ഞ്ഞ അ​ഞ്ച് ദി​വ​സ​ങ്ങ​ളാ​യി രോ​ഗി​ക​ൾ ഇ​ല്ലാ​യി​രു​ന്നു. അ​വ​സാ​ന രോ​ഗി​യാ​യ ഏ​ല​പ്പാ​റ​യി​ലെ ആ​ശാ​വ​ർ​ക്ക​ർ ആ​ശു​പ​ത്രി വി​ട്ട​തോ​ടെ ഒ​രു കോ​വി​ഡ് രോ​ഗി പോ​ലും ജി​ല്ല​യി​ൽ ചി​കി​ത്സ​യി​ൽ ഇ​ല്ലാ​യി​രു​ന്നു. ജി​ല്ല​യി​ൽ ഏ​റ്റ​വും അ​വ​സാ​നം രോ​ഗം സ്ഥി​രീ​ക​രി​ച്ച​ത് ഏ​പ്രി​ൽ 27-നാ​യി​രു​ന്നു. 18 ദി​വ​സ​ത്തി​നു ശേ​ഷ​മാ​ണ് വീ​ണ്ടും ഒ​രാ​ൾ​ക്ക് കൂ​ടി രോ​ഗ​ബാ​ധ റി​പ്പോ​ർ​ട്ട് ചെ​യ്യു​ന്ന​ത്. ജി​ല്ല​യി​ൽ ഇ​തു​വ​രെ 25 പേ​ർ​ക്കാ​ണ് ആ​കെ രോ​ഗം സ്ഥി​രീ​ക​രി​ച്ച​ത്.