കരിപ്പൂര്: കോവിഡ് ആശങ്കകള്ക്കിടെ കുവൈത്തില് നിന്നും ജിദ്ദയില് നിന്നുമായി 347 പ്രവാസികള് കരിപ്പൂര് വിമാനത്താവളത്തിലെത്തി. കുവൈത്തില് നിന്നുള്ള എയര് ഇന്ത്യ എക്സ്പ്രസ് വിമാനം ബുധനാഴ്ച രാത്രി 10.10നും ജിദ്ദയില് നിന്നുള്ള വിമാനം വ്യാഴാഴ്ച പുലര്ച്ചെ 12.05നും കരിപ്പൂരിലെ റണ്വേയിലിറങ്ങി.
കുവൈത്തിൽനിന്ന് എത്തിയ ഐഎക്സ്-394 വിമാനത്തിൽ 192 പേരും ജിദ്ദയില്നിന്ന് എത്തിയ എഐ-960 വിമാനത്തില് 89 സ്ത്രീകളടക്കം 155 പേരുമാണുണ്ടായിരുന്നത്. കുവൈത്തില് നിന്നെത്തിയവരിൽ ഏഴുപേരെ ആരോഗ്യ പ്രശ്നങ്ങളെ തുടര്ന്ന് ആശുപത്രിയിലേക്ക് മാറ്റി.
ഗര്ഭിണികള്, 10 വയസിനു താഴെ പ്രായമുള്ള കുട്ടികള്, 65 വയസിന് മുകളില് പ്രായമുള്ളവര്, അടുത്ത ബന്ധുവിന്റെ മരണവുമായി ബന്ധപ്പെട്ട് എത്തിയവർ, ചികിത്സാവശ്യങ്ങള്ക്കായി എത്തിയവർ തുടങ്ങി പ്രത്യേക പരിഗണനയിലുള്ളവരെ നേരിട്ട് വീടുകളിലേയ്ക്കും മറ്റുള്ളവരെ കോവിഡ് കെയര് സെന്ററുകളിലേയ്ക്കുമാണ് അയച്ചത്.
രണ്ടു വിമാനങ്ങളിലായി 347 പ്രവാസികള് കരിപ്പൂരില് പറന്നിറങ്ങി
02:13 AM May 14, 2020 | Deepika.com