വയനാട്: ഇന്ന് സമ്പർക്കത്തിലൂടെ കോവിഡ് ബാധിച്ച നാല് പേർക്കും രോഗം പിടിപെട്ടത് ചെന്നൈയില് നിന്നും വന്ന ട്രക്ക് ഡ്രൈവറിലൂടെ. ഇതോടെ ഈ ട്രക്ക് ഡ്രൈവറില് നിന്നും 10 പേര്ക്കാണ് രോഗം പടര്ന്നത്.
ഇയാളിൽനിന്ന് രണ്ട് പോലീസുകാർക്കും രോഗം പിടിപെട്ടു. മലപ്പുറം, കണ്ണൂർ ജില്ലക്കാരാണ് പോലീസുകാർ. ഇവർക്ക് വയനാട്ടില് ഡ്യൂട്ടിയിലുണ്ടായിരുന്നു. മറ്റ് രണ്ട് പേർ ട്രക്ക് ഡ്രൈവറുടെ മകളും മകളുടെ കുട്ടിയുമാണ്.
കഴിഞ്ഞ മാസം 26 ന് ചെന്നൈയിൽ നിന്നും തിരിച്ചെത്തിയ മാനന്തവാടി സ്വദേശിയായ ട്രക്ക് ഡ്രൈവറിൽനിന്നാണ് കൂടുതൽ പേരിലേക്ക് രോഗം എത്തിയത്. ട്രക്ക് ഡ്രൈവറുടെ കുടുംബത്തിലെ മൂന്നു പേര്ക്കും സഹഡ്രൈവറുടെ മകനും സമ്പര്ക്കം പുലര്ത്തിയ മറ്റു രണ്ടുപേര്ക്കും നേരത്തെ കോവിഡ് ബാധിച്ചിരുന്നു.
ഇയാൾ മീനങ്ങാടി, മാനന്തവാടി, നാലാം മൈൽ എന്നിവിടങ്ങളിലെ വിവിധ കടകളിൽ ലോഡിറക്കാൻ പോയിരുന്നു. മാനന്തവാടിയിലെ മൈബൈൽ ഷോപ്പിലും പഴക്കടയിലും എത്തി. അതിന് ശേഷം വീട്ടിൽ നിരീക്ഷണത്തിലായിരുന്നു. ഇയാളുടെ സമ്പർക്ക പട്ടിക വിപുലമായിരുന്നു.
പോലീസുകാർക്കും കോവിഡ്; ട്രക്ക് ഡ്രൈവറിലൂടെ രോഗം പകർന്നത് 10 പേർക്ക്
09:34 PM May 13, 2020 | Deepika.com