ന്യൂഡൽഹി: ചെറുകിട ഇടത്തരം മേഖലകളെ (എംഎസ്എംഇ) ഉണർത്താൻ സാമ്പത്തിക പാക്കേജിൽ കൈയയച്ച് കേന്ദ്ര ധനമന്ത്രി നിർമലാ സീതാരാമൻ. എംഎസ്എംഇകൾക്കായി മൂന്ന് ലക്ഷം കോടിയുടെ ഈടില്ലാവായ്പ നൽകുമെന്ന് ധനമന്ത്രി പ്രഖ്യാപിച്ചു.
നാല് വർഷ കാലാവധിയിലാണ് വായ്പ. തിരിച്ചടവിന് ഒരു വർഷം മൊറട്ടോറിയമുണ്ട്. 100 കോടി വരെ വിറ്റുവരവുള്ള 45 ലക്ഷം സംരംഭങ്ങൾക്ക് ഇതിന്റെ ഗുണം ലഭിക്കും. ഒക്ടോബർ 31 വരെ വായ്പയ്ക്ക് അപേക്ഷിക്കാം.
മറ്റ് തീരുമാനങ്ങൾ
• ചെറുകിട വ്യവസായങ്ങളുടെ നിക്ഷേപപരിധി ഉയർത്തും
• 200 കോടി രൂപ വരെയുള്ള പദ്ധതികൾക്ക് ആഗോള ടെൻഡർ ഇല്ല
• തകർച്ച നേരിട്ട ചെറുകിട വ്യവസായങ്ങൾക്ക് 20,000 കോടി
• പണലഭ്യത ഉറപ്പാക്കാനായി 15 നപടികൾ
• പിഎഫ് സഹായം മൂന്ന് മാസത്തേക്ക് കൂടി
• പ്രാദേശിക ബ്രാൻഡുകൾക്ക് ആഗോളവിപണി കണ്ടെത്തും
• ആദായനികുതി റിട്ടേൺ സമർപ്പിക്കേണ്ട സമയം നീട്ടി. നവംബർ 30 ന് അകം സമർപ്പിച്ചാൽ മതി
• സർക്കാർ കരാറുകാർക്ക് ആറുമാസം കാലാവധി നീട്ടിനൽകി. പദ്ധതികൾ പൂർത്തിയാക്കാൻ കരാറുകാർക്ക് കൂടുതൽ സമയം ലഭിക്കും
കൈയയച്ച് ധനമന്ത്രി; ചെറുകിട ഇടത്തരം വ്യവസായങ്ങള്ക്ക് മൂന്ന് ലക്ഷം കോടി ഈടില്ലാ വായ്പ
05:44 PM May 13, 2020 | Deepika.com