തിരുവനന്തപുരം: കർണാടകയിലെ കുടകിൽനിന്ന് കേരളത്തിലേക്ക് കടന്ന എട്ടു പേരെ പിടികൂടിയതായി മുഖ്യമന്ത്രി പിണറായി വിജയൻ. കുടകിൽനിന്ന് കാട്ടിലൂടെ കണ്ണൂരിലേക്ക് കടന്നവരെയാണ് പിടികൂടിയത്. ഇവരെ ഇരുട്ടിയിലെ രണ്ട് കൊറോണ കെയർസെന്ററിൽ ക്വാറന്റൈനിൽ പ്രവേശിപ്പിച്ചു.
കഴിഞ്ഞ ഒരാഴ്ചയ്ക്കിടെ ലോക്ക്ഡൗൺ നിയന്ത്രണങ്ങൾ ലംഘിച്ച് 57 പേരാണ് കുടകിൽനിന്ന് കാൽനടയായി കണ്ണൂരിലേക്ക് എത്തിയത്. സംസ്ഥാന അതിർത്തികളിൽ ജാഗ്രത വർധിപ്പിക്കണമെന്നതാണ് ഇത് കാണിക്കുന്നത്. അയൽസംസ്ഥാനങ്ങളിൽനിന്നുള്ളവർ ഊടുവഴികളിലൂടെയും കാനനപാതകളിലൂടെയും മറ്റുമായി അതിർത്തി കടക്കുകയാണ്. ഇത്തരം സംഭവങ്ങൾ ആവർത്തിക്കാതിരിക്കാൻ ജാഗ്രത പാലിക്കണമെന്ന് പോലീസിനോട് നിർദേശിച്ചതായും മുഖ്യമന്ത്രി അറിയിച്ചു.
കുടകിൽനിന്ന് കണ്ണൂരിലേക്ക് കടന്ന എട്ടു പേരെ പിടികൂടി
06:59 PM Apr 24, 2020 | Deepika.com