ലണ്ടൻ: ലോകത്തിലെ ആദ്യ കൊറോണ വൈറസ് വാക്സിൻ വികസിപ്പിക്കാനുള്ള ബ്രിട്ടന്റെ പരിശ്രമങ്ങളുടെ ഭാഗമായി മനുഷ്യരിൽ വാക്സിൻ പരീക്ഷണത്തിന്റെ ട്രയൽ ആരംഭിച്ചു. ഓക്സ്ഫഡ് സർവകലാശാലയുടെ കീഴിലുള്ള ജെന്നർ ഇൻസ്റ്റിറ്റ്യൂട്ടാണ് വാക്സിൻ വികസിപ്പിച്ചത്.
ഈ വാക്സിന് 80 ശതമാനം വിജയസാധ്യതയുണ്ടെന്നാണ് പ്രതീക്ഷ. ട്രയൽ ആരംഭിക്കുമ്പോൾത്തന്നെ ജെന്നർ ഇൻസ്റ്റിറ്റ്യൂട്ട് ടീം ഉത്പാദനത്തിനുള്ള ചട്ടവട്ടങ്ങളും ഒരുക്കുകയാണ്. വിജയിച്ചാൽ സെപ്റ്റംബറോടെ ഒരു ദശലക്ഷം ഡോസുകൾ തയാറാക്കുകയാണ് ലക്ഷ്യം.
ചാഡോക്സ് 1 എൻകോവ്-19 എന്നാണ് വാക്സിന് പേര് നൽകിയിരിക്കുന്നത്. പതിനെട്ടിനും 55നും ഇടയിലുള്ള രോഗബാധിതരായ സന്നദ്ധ പ്രവർത്തകർക്കിടയിലാണ് ആദ്യ ട്രയലുകൾ നടത്തുന്നത്. പരീക്ഷണത്തിനു നിരവധി സന്നദ്ധപ്രവർത്തകർ രംഗത്തുവന്നിട്ടുണ്ട്.
പ്രതീക്ഷയിൽ ലോകം.. യുകെയിൽ മനുഷ്യരിൽ കോവിഡ് വാക്സിൻ പരീക്ഷണം തുടങ്ങി
12:48 AM Apr 24, 2020 | Deepika.com