കോട്ടയം: ചുമട്ട് തൊഴിലാളിക്ക് കൊറോണ വൈറസ് രോഗം പിടിപെട്ടതോടെ കോട്ടയം മാർക്കറ്റ് അടച്ചു. മാർക്കറ്റിലെ മുപ്പത്തിയേഴുകാരനായ ചുമട്ട് തൊഴിലാളിക്കാണ് കൊറോണ സ്ഥിരീകരിച്ചത്. ഇയാളുൾപ്പെടെ രണ്ടു പേർക്കാണ് രോഗം സ്ഥിരീകരിച്ചത്.
കോട്ടയത്തെയും ഇടുക്കിയേയും ഇന്ന് ഗ്രീൻ സോണിൽനിന്നും ഒഴിവാക്കിയിട്ടുണ്ട്. വ്യാഴാഴ്ച ഈ രണ്ടു ജില്ലകളിലും രോഗം റിപ്പോർട്ട് ചെയ്തതോടെയാണ് ഇരു ജില്ലകളെയും ഓറഞ്ച് സോണിലേക്കു മാറ്റിയത്. കോട്ടയത്ത് രണ്ടുപേർക്കും ഇടുക്കിയിൽ നാലു പേർക്കുമാണ് രോഗം സ്ഥിരീകരിച്ചത്.
നാലു ജില്ലകൾ മാത്രമാണ് ഇപ്പോൾ റെഡ് സോണിലുള്ളത്. കാസർഗോഡ്, കോഴിക്കോട്, കണ്ണൂർ, മലപ്പുറം എന്നീ ജില്ലകളാണിവ. ഓറഞ്ച് സോണിലുള്ള 10 ജില്ലകളിലും ഹോട്ട്സ്പോട്ടുകളായ പഞ്ചായത്തുകൾ അടച്ചുപൂട്ടും.
ചുമട്ട് തൊഴിലാളിക്ക് കോവിഡ്; കോട്ടയം മാർക്കറ്റ് അടച്ചു
07:04 PM Apr 23, 2020 | Deepika.com