മലപ്പുറം: മലപ്പുറം ജില്ലയിൽ ബുധനാഴ്ച കോവിഡ് സ്ഥിരീകരിച്ചത് നാലു മാസം പ്രായമുള്ള പെൺകുഞ്ഞിന്. മഞ്ചേരി പയ്യനാട് സ്വദേശിയുടെതാണ് കുഞ്ഞ്. നിലവിൽ കോഴിക്കോട് മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ് കുഞ്ഞ്.
ന്യുമോണിയ ബാധിച്ച് ആദ്യം മഞ്ചേരിയിലെ സ്വകാര്യ ആശുപത്രിയിൽ കുഞ്ഞിന് ചികിത്സ തേടിയിരുന്നു. ചൊവ്വാഴ്ചയാണ് കോഴിക്കോട്ട് മെഡിക്കൽ കോളജിലേക്ക് മാറ്റിയത്. കുഞ്ഞിന് എങ്ങനെയാണ് രോഗം വന്നതെന്ന് ഇപ്പോഴും വ്യക്തതയില്ല.
കുഞ്ഞിന്റെ മാതാപിതാക്കൾക്കോ ബന്ധുക്കൾക്കോ രോഗലക്ഷണങ്ങളില്ല.
മലപ്പുറത്തെ കോവിഡ് രോഗി നാലു മാസം പ്രായമുള്ള പെൺകുഞ്ഞ്
10:28 PM Apr 22, 2020 | Deepika.com