കല്പ്പറ്റ: വയനാട്ടില് വീണ്ടും മൂന്ന് പേര്ക്ക് കൂടി കുരങ്ങുപനി സ്ഥിരീകരിച്ചു. തിരുനെല്ലി ഗ്രാമപഞ്ചായത്തിലെ ബേഗൂര്, ഇരുമ്പുപാലം സ്വദേശികളായ മൂന്നു പേർക്കാണ് രോഗം സ്ഥിരീകരിച്ചത്. ഇവരിൽ രണ്ടു പേരെ കല്പ്പറ്റ ജനറല് ആശുപത്രിയിലും ഒരാള് കോഴിക്കോട് മെഡിക്കല് കോളേജിലും ചികിത്സയിലാണ്.
ഈ വര്ഷം ഇതുവരെ 24 പേര്ക്കാണ് ജില്ലയില് കുരങ്ങുപനി സ്ഥിരീകരിച്ചത്. കൂടുതല് രോഗികള് റിപ്പോര്ട്ട് ചെയ്ത തിരുനെല്ലി പഞ്ചായത്തില് രോഗപ്രതിരോധ ക്യാമ്പുകളും മറ്റും നടക്കുന്നുണ്ട്. ഈ പഞ്ചായത്തില് 6,689 പേര്ക്ക് പനിക്കെതിരെയുള്ള കുത്തിവയ്പ്പ് നല്കി.
കുരങ്ങ് പനി വര്ധിക്കുന്ന സാഹചര്യത്തിൽ സുല്ത്താന് ബത്തേരി താലൂക്ക് ആശുപത്രിയെ കുരങ്ങ് പനി ചികിത്സാ കേന്ദ്രമാക്കി മാറ്റിയിരുന്നു.
വയനാട്ടിൽ മൂന്നു പേർക്ക് കൂടി കുരുങ്ങുപനി
09:52 PM Apr 22, 2020 | Deepika.com