കോഴിക്കോട്: സംസ്ഥാനത്ത് രണ്ട് ഹൗസ് സർജന്മാർക്ക് കോവിഡ് 19. കോഴിക്കോട് മെഡിക്കൽ കോളജിലെ ഹൗസ് സർജന്മാർക്കാണ് കോവിഡ് സ്ഥിരീകരിച്ചത്. ഇരുവരും ഡൽഹിയിൽ വിനോദയാത്ര പോയവരാണ്.
ഇരുവരെയും കോഴിക്കോട് മെഡിക്കൽ കോളജിലേക്ക് മാറ്റി. ഇവരെ പരിശോധിച്ച ആറ് മെഡിക്കൽ കോളജ് അധ്യാപകരെയും ക്വാറന്റൈനിലാക്കിയിരിക്കുകയാണ്.
പത്തംഗ സംഘമാണ് വിനോദയാത്രയ്ക്ക് പോയത്. ഇത് വലിയ ആശങ്കയാണ് ഉയർത്തുന്നത്. തബ്ലീഗ് സമ്മേളനത്തിൽ പങ്കെടുത്തവർ സഞ്ചരിച്ച ട്രെയിനിലാണ് ഇവർ സഞ്ചരിച്ചത്. കോവിഡ് സ്ഥിരീകരിച്ച രണ്ട് പേരും കോഴിക്കോട്ട് ഒരു വീട്ടിൽ ക്വാറന്റൈനിലായിരുന്നു. ഈ വീട്ടിൽ ഒൻപത് പേർ കൂടി താമസിക്കുന്നുണ്ട്.
നേരത്തെ സംസ്ഥാനത്ത് ഒരു ഡോക്ടർക്കും ഒരു നഴ്സിനും രണ്ട് ഹെൽത്ത് ഇൻസ്പെക്ടർമാർക്കും കോവിഡ് സ്ഥിരീകരിച്ചിരുന്നു. ഇവർ എല്ലാവരും രോഗമുക്തി നേടിയിരുന്നു.
സംസ്ഥാനത്ത് രണ്ട് ഹൗസ് സർജന്മാർക്ക് കോവിഡ് 19
12:21 PM Apr 22, 2020 | Deepika.com