ലക്നോ: ഉത്തർപ്രദേശിൽ അഞ്ചംഗസംഘം ബലമായി അണുനാശിനി കുടിപ്പിച്ച ശുചീകരണത്തൊഴിലാളി മരിച്ചു. റാംപുർ ജില്ലയിലെ മോട്ടിപുര ഗ്രാമക്കാരനായ കുന്വര് പാല് ആണ് ആശുപത്രിയില് മരിച്ചത്.
ഏപ്രില് 14നു അണുനശീകരണം നടത്തുന്നതിനിടെ ഇന്ദ്രപാല് എന്ന യുവാവിന്റെ കാലില് അണുനാശിനി വീണു. ഇതില് ക്ഷുഭിതനായ ഇന്ദ്രപാലും സുഹൃത്തുക്കളും ചേര്ന്ന്കുന്വറിനെ മര്ദിച്ചശേഷം വായിലേക്ക് അണുനാശിനി സ്പേ ചെയ്തു. അസ്വസ്ഥത പ്രകടിപ്പിച്ചതിനെത്തുടര്ന്ന് കുന്വറിനെ നാട്ടുകാര് രാംപുരിലെ ആശുപത്രിയില് പ്രവേശിപ്പിച്ചു. എന്നാല് നില വഷളായതോടെ മൊറാദാബാദിലെ ആശുപത്രിയിലേക്കു മാറ്റിയ കുന്വര് 17നു മരിച്ചു.
ഇന്ദ്രപാല് ഉള്പ്പെടെ അഞ്ചു പേര്ക്കെതിരേ പോലീസ് കേസ് രജിസ്റ്റര് ചെയ്തു. ആരെയും അറസ്റ്റ് ചെയ്തിട്ടില്ല.
യുപിയിൽ അഞ്ചംഗസംഘം അണുനാശിനി കുടിപ്പിച്ച ശുചീകരണത്തൊഴിലാളി മരിച്ചു
03:21 AM Apr 20, 2020 | Deepika.com