ന്യൂഡൽഹി: ലോക്ക്ഡൗണ് അവസാനിച്ചാലും ട്രെയിൻ, വ്യോമ ഗതാഗതം പുനഃരാരംഭിക്കില്ലെന്നു സൂചന. കഴിഞ്ഞ ദിവസം കേന്ദ്ര പ്രതിരോധ മന്ത്രി രാജ്നാഥ് സിംഗിന്റെ അധ്യക്ഷതയിൽ ചേർന്ന മന്ത്രിമാരുടെ യോഗത്തിൽ ഇതുസംബന്ധിച്ച ധാരണയായെന്നാണു റിപ്പോർട്ടുകൾ.
മേയ് 15 മുതൽ വ്യോമ ഗതാഗതം ആരംഭിക്കാനാണ് നിലവിൽ കേന്ദ്ര സർക്കാർ തീരുമാനിച്ചിരിക്കുന്നത്. ഇക്കാര്യത്തിൽ അന്തിമ തീരുമാനം പ്രധാനമന്ത്രി നരേന്ദ്ര മോദിയുമായി നടത്തുന്ന ചർച്ചകൾക്കുശേഷമാവും കൈക്കൊള്ളുകയെന്നാണു സൂചന.
കോവിഡിന്റെ പശ്ചാത്തലത്തിൽ നിർത്തിവച്ചിരിക്കുന്ന വിമാന സർവീസ് പുനഃരാരംഭിക്കാൻ തീരുമാനമായിട്ടില്ലെന്ന് കേന്ദ്ര വ്യോമയാനസഹമന്ത്രി ഹർദീപ് സിംഗ് പുരി കഴിഞ്ഞ ദിവസം പറഞ്ഞിരുന്നു. കേന്ദ്രസർക്കാർ തീരുമാനം വരുംവരെ വിമാനക്കന്പനികൾ ബുക്കിംഗ് സ്വീകരിക്കരുതെന്നും അദ്ദേഹം നിർദേശിച്ചു.
മേയ് നാല് മുതൽ ആഭ്യന്തര വിമാന സർവീസുകളുടേയും ജൂണ് ഒന്ന് മുതൽ അന്താരാഷ്ട്ര സർവീസുകളുടേയും ബുക്കിംഗ് എയർ ഇന്ത്യ ആരംഭിച്ചിരുന്നു. ഇതിനു പിന്നാലെയാണു മന്ത്രിയുടെ പ്രതികരണം.
ലോക്ക്ഡൗണ് അവസാനിച്ചാലും ട്രെയിൻ, വ്യോമ ഗതാഗതം പുനഃരാരംഭിക്കില്ല
09:16 AM Apr 19, 2020 | Deepika.com