വാഷിംഗ്ടണ് ഡിസി: അമേരിക്കയിലെ കോവിഡ് മരണ നിരക്കിലും രോഗവ്യാപന നിരക്കിലും കുറവ് രേഖപ്പെടുത്തിയതിനു പിന്നാലെ രാജ്യത്ത് വിവിധയിടങ്ങളിൽ ഏർപ്പെടുത്തിയ കർശന നിയന്ത്രണങ്ങളിൽ സർക്കാർ ഇളവുകൾ വരുത്തി. പ്രസിഡന്റ് ഡോണൾഡ് ട്രംപാണ് ഇത് സംബന്ധിച്ച വിവരം മാധ്യമങ്ങളെ അറിയിച്ചത്.
ഡെമോക്രാറ്റുകളും റിപ്പബ്ലിക്കുകളും ഭരിക്കുന്ന ചില സംസ്ഥാനങ്ങളിൽ ഇതിനോടകം തന്നെ ഇളവുകൾ പ്രഖ്യാപിക്കാമെന്ന് ധാരണയിൽ എത്തിയിട്ടുണ്ടെന്ന് ട്രംപ് പറഞ്ഞു. ടെക്സസിലും വെർമോണ്ടിലും ഏപ്രിൽ 20നു ശേഷം വ്യാപര മേഖലയ്ക്ക് പ്രവർത്തനാനുമതി നൽകും.
അതേസമയം മൊണ്ടാനയിൽ ഈ മാസം 24നു ശേഷമാകും നിയന്ത്രണങ്ങൾ നീക്കിത്തുടങ്ങുക. ഓഹിയോ, നോർത്ത് ഡെക്കോട്ട, ഇദാഹോ എന്നിവിടങ്ങളിൽ മേയ് ഒന്നിനു ശേഷം വ്യാപാര മേഖലയിൽ ഇളവുകൾ നൽകുമെന്നും ട്രംപ് അറിയിച്ചു.
എന്നാൽ, അമേരിക്ക കാനഡ അതിർത്തി അടഞ്ഞു തന്നെ കിടക്കുമെന്നും പ്രസിഡന്റ് കൂട്ടിച്ചേർത്തു.
അമേരിക്കയിൽ നിയന്ത്രണങ്ങൾക്ക് ഇളവ്
07:45 AM Apr 19, 2020 | Deepika.com