ബംഗളൂരു: കർണാടകയിൽ കോവിഡ് ബാധിച്ച് ഒരാൾക്കൂടി മരിച്ചതോടെ ആകെ മരണസംഖ്യ 14 ആയി. 24 മണിക്കൂറിനിടെ 25 പേർക്കുകൂടി വൈറസ് ബാധ സ്ഥിരീകരിച്ചതോടെ മൊത്തം കോവിഡ് ബാധിതരുടെ എണ്ണം 384 ആകുകയും ചെയ്തു.
വിജയപുര സ്വദേശിയായ 42 വയസുള്ളയാളാണ് ശനിയാഴ്ച മരിച്ചത്. അതേസമയം, ചൊവ്വാഴ്ച മുതൽ ഇരുചക്ര വാഹനങ്ങൾക്കും ചരക്കുവാഹനങ്ങൾക്കും നിരത്തിലിറങ്ങാമെന്ന് മുഖ്യമന്ത്രി ബി.എസ്.യെദ്യൂരപ്പ അറിയിച്ചു. മദ്യഷാപ്പുകൾ മേയ് മൂന്നുവരെ അടച്ചിടുമെന്നും അദ്ദേഹം അറിയിച്ചു. മുഖാവരണം നിർബന്ധമാക്കിയതായും പൊതുസ്ഥലത്ത് തുപ്പുന്നത് വിലക്കിയതായും ലംഘിച്ചാൽ നടപടിയുണ്ടാകുമെന്നും അദ്ദേഹം വ്യക്തമാക്കി.
കർണാടകയിൽ കോവിഡ് മരണം 14 ആയി
10:41 PM Apr 18, 2020 | Deepika.com