ലക്നോ: ലോക്ക്ഡൗണിനെ തുടർന്ന് രാജസ്ഥാനിലെ കോട്ടയിൽ കുടുങ്ങിപ്പോയ വിദ്യാർഥികളെ തിരികെ എത്തിക്കാൻ ഉത്തർപ്രദേശ് സർക്കാർ ബസ് അയക്കുന്നു. 300 ബസുകളാണ് യുപി സർക്കാർ അയക്കുന്നത്.
വിവിധ മത്സരപ്പരീക്ഷകൾക്കു തയാറെടുക്കുന്ന വിദ്യാർഥികളാണ് കോച്ചിംഗ് ഹബ്ബായ കോട്ടയിൽ കുടുങ്ങിക്കിടക്കുന്നത്. വിദ്യാർഥികൾക്ക് ഭക്ഷണം, വെള്ളം, മാസ്ക്, സാനിറ്റൈസർ എന്നിവയും അയച്ചുനൽകുമെന്ന് ആഗ്രയിലെ മുതിർന്ന ഉദ്യോഗസ്ഥൻ പറഞ്ഞു. ഒരു ബസിൽ 25 വിദ്യാർഥികളാവും ഉണ്ടാവുക. ആഗ്രയിൽനിന്ന് 200 ബസുകളും ഝാൻസിൽനിന്ന് 110 ബസുകളും അയക്കുമെന്ന് അദ്ദേഹം കൂട്ടിച്ചേർത്തു.
വിവിധ മത്സരപരീക്ഷകൾക്കു തയാറെടുക്കുന്ന ആയിരത്തോളം വിദ്യാർഥികളാണ് ലോക്ക്ഡൗണിനെ തുടർന്ന് കോട്ടയിൽ കുടുങ്ങിയത്. ഉത്തർപ്രദേശ്, ഒഡീഷ, ബിഹാർ തുടങ്ങിയ സംസ്ഥാനങ്ങളിൽ നിന്ന് ഐഐടി, ജെഇഇ, മെഡിക്കൽ പ്രവേശന പരീക്ഷകളുടെ പരിശീലനത്തിനായെത്തിയതാണിവർ.
കോട്ടയിൽ കുടുങ്ങിയ വിദ്യാർഥികളെ തിരികെ കൊണ്ടുവരാൻ യുപി 300 ബസ് അയക്കുന്നു
08:13 PM Apr 17, 2020 | Deepika.com