ന്യൂഡൽഹി: കോവിഡ് വ്യാപനത്തെ തുടർന്നു പശ്ചിമേഷ്യയിൽ കുടുങ്ങിയ പ്രവാസികളെ നാട്ടിലെത്തിക്കാൻ ഇടപെടണമെന്നു കോണ്ഗ്രസ് നേതാവും എംപിയുമായ രാഹുൽ ഗാന്ധി കേന്ദ്ര സർക്കാരിനോട് ആവശ്യപ്പെട്ടു. ഇതിനായി പ്രത്യേക വിമാനം ഏർപ്പാടാക്കണമെന്നും അദ്ദേഹം ആവശ്യപ്പെട്ടു.
പശ്ചിമേഷ്യയിൽ വ്യവസായങ്ങൾ അടച്ചുപൂട്ടിയതും മറ്റും കാരണം ആയിരക്കണക്കിന് ഇന്ത്യൻ തൊഴിലാളികൾ ദുരിതത്തിലാണ്. അവരെ ഇന്ത്യയിലേക്ക് തിരിച്ചുകൊണ്ടുവരാൻ പ്രത്യേക വിമാനം അയയ്ക്കണം. നമ്മുടെ സഹോദരി സഹോദരൻമാരെ തിരിച്ചെത്തിച്ച് അതാത് സ്ഥലങ്ങളിൽ അവർക്ക് ക്വാറന്ൈറൻ സൗകര്യം ഏർപ്പെടുത്തണമെന്നും രാഹുൽ ട്വീറ്റ് ചെയ്തു.
അതേസമയം വിദേശത്തുള്ള ഇന്ത്യക്കാരെ നിലവിലെ സാഹചര്യത്തിൽ മടക്കിക്കൊണ്ടുവരാൻ സാധിക്കില്ലെന്നു സുപ്രീംകോടതി പറഞ്ഞിരുന്നു. പ്രവാസികൾ എവിടെയാണോ ഉള്ളത് അവിടെ തന്നെ തുടരണമെന്നും കോടതി നിർദേശിച്ചു.
പ്രവാസികളെ നാട്ടിലെത്തിക്കണം, പ്രത്യേക വിമാനം അയയ്ക്കണം; കേന്ദ്രത്തോട് രാഹുൽ
05:12 PM Apr 15, 2020 | Deepika.com