ന്യൂഡൽഹി: ഇന്ത്യയിൽ കോവിഡ് ബാധിതരുടെ എണ്ണം 10,000 കടന്നു. കഴിഞ്ഞ 24 മണിക്കൂറിനിടെ 1,211 പേര്ക്കാണ് രോഗം സ്ഥിരീകരിച്ചത്. 31 പേരാണ് മരിച്ചത്.
രാജ്യത്ത് 10,363 രോഗികളും 339 മരണവുമാണ് ഇതുവരെ റിപ്പോര്ട്ട് ചെയ്തതിരിക്കുന്നത്. 1,035 പേര്ക്ക് അസുഖം ഭേദമായതായും കേന്ദ്ര ആരോഗ്യമന്ത്രാലയം അറിയിച്ചു.
അതേസമയം, കോവിഡ്-19 പ്രതിരോധത്തിനായി പ്രഖ്യാപിച്ച 21 ദിവസത്തെ ലോക്ക് ഡൗണ് പൂർത്തിയാകുന്ന ഇന്നു രാവിലെ 10നു പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്യും.
ലോക്ക് ഡൗണ് നീട്ടണമെന്നു വിവിധ സംസ്ഥാനങ്ങൾ ആവശ്യപ്പെടുന്നതിനിടെ, പ്രധാനമന്ത്രി ഇന്ന് തീരുമാനം പ്രഖ്യാപിക്കും.
രാജ്യത്തെ കോവിഡ് ബാധിതരുടെ എണ്ണം പതിനായിരം കടന്നു
09:19 AM Apr 14, 2020 | Deepika.com