വാഷിംഗ്ടൺ ഡിസി: കോവിഡ് ബാധയിൽ ലോകം വിറങ്ങലിക്കുമ്പോൾ അമേരിക്കയിലും മരണ സംഖ്യ കുതിക്കുന്നു. രാജ്യത്ത് വൈറസ് ബാധയേത്തുടർന്ന് മരിച്ചവരുടെ എണ്ണം 21,474 കടന്നു. 900 പേരാണ് ഇന്ന് രാജ്യത്ത് മരണത്തിനു കീഴടങ്ങിയത്.
5,45,934 പേർക്കാണ് അമേരിക്കയിൽ വൈറസ് ബാധിച്ചിട്ടുള്ളത്. 13,055 പേർക്കാണ് പുതുതായി കോവിഡ് ബാധ സ്ഥിരീകരിച്ചത്.
1,88,694 പേർക്ക് കോവിഡ് സ്ഥിരീകരിച്ച ന്യൂയോർക്കാണ് ഏറ്റവും മുന്നിൽ. ന്യൂജഴ്സിയിൽ 58,151 പേർക്ക് രോഗം ബാധിച്ചിട്ടുണ്ട്. ന്യൂയോർക്കിൽ 9,385 ഉം ന്യൂജഴ്സിയിൽ 2,183 ഉം പേരാണ് മരിച്ചത്.
മിഷിഗൺ, പെൻസിൽവാനിയ, കലിഫോർണിയ, ലൂസിയാന, ഫ്ലോറിഡ, ഇല്ലിനോയിസ് എന്നിവിടങ്ങളിലെല്ലാം രോഗബാധിതരുടെ എണ്ണത്തിൽ വർധനവുണ്ട്.
മിഷിഗണിൽ 23,993 പേർക്കും പെൻസിൽവാനിയയിൽ 22,833 പേർക്കും കലിഫോർണിയയിൽ 22,424 പേർക്കുമാണ് രോഗം സ്ഥിരീകരിച്ചിട്ടുള്ളത്.
1,83,1,086 പേർക്കാണ് ലോകവ്യാപകമായി കോവിഡ് ബാധച്ചിട്ടുള്ളത്. 1,13,008 പേർക്ക് വൈറസ് ബാധിച്ച് ജീവൻ നഷ്ടപ്പെടുകയും ചെയ്തു.
സ്പെയിൻ, ഇറ്റലി, ഫ്രാൻസ്, ജർമനി, ബ്രിട്ടൻ എന്നിവിടങ്ങളിലെല്ലാം വൈറസ് ബാധിതരുടെ എണ്ണം അനുനിമിഷം വർധിക്കുന്നുണ്ട്.
സ്പെയിനിൽ 1, 66,019 പേർക്കും ഇറ്റലിയിൽ 1,56,363 പേർക്കും ഫ്രാൻസിൽ 1,32,591 പേർക്കും രോഗം ബാധിച്ചിട്ടുണ്ട്.
അമേരിക്കയിൽ മരണ സംഖ്യ കുതിക്കുന്നു; 21,000 കടന്നു
10:50 AM Apr 13, 2020 | Deepika.com