കാസർഗോഡ്: കൊറോണ വൈറസ് രോഗത്തിന്റെ ഹോട്സ്പോട്ടുകളിലൊന്നായി കണക്കാക്കപ്പെട്ട ജില്ലയിലെ 15 രോഗികൾ കൂടി രോഗം ഭേദമായി വീടുകളിലേക്ക്. ചികിത്സയിലുണ്ടായിരുന്ന 15 രോഗികളാണ് സ്രവ പരിശോധനാ ഫലം നെഗറ്റീവ് ആയതോടെ വീടുകളിലേക്ക് മടങ്ങുന്നത്.
കാസർഗോഡ് ജനറല് ആശുപത്രി– ആറ്, ജില്ലാ ആശുപത്രി– മൂന്ന്, പരിയാരം മെഡി. കോളജ് ആറ് എന്നിങ്ങനെയാണ് ഇന്ന് രോഗം ഭേദമായവരുടെ കണക്ക്. 138 പേരാണ് ഇനി ചികില്സയിലുളളത്.
കാസർഗോഡ് ഇതുവരെ 161 പേർക്കാണ് കോവിഡ് രോഗം ബാധിച്ചത്. വ്യാഴാഴ്ച പുതിയ നാലു കേസുകൾ കൂടി റിപ്പോർട്ട് ചെയ്തതോടെയാണിത്. ആറു പേർ നേരത്തെ രോഗമുക്തി നേടിയിരുന്നു. കൂടുതല് പേരുടെ നെഗറ്റീവ് ഫലം പ്രതീക്ഷിക്കുന്നതായി ഡിഎംഒ പറഞ്ഞു.
കാസർഗോഡിന് ആശ്വാസം; 15 പേർ കൊറോണ രോഗ മുക്തരായി വീടുകളിലേക്ക്
04:58 PM Apr 10, 2020 | Deepika.com