ന്യൂഡൽഹി: ഡൽഹിയിലെ മഹാരാജാ ആഗ്രസെൻ ആശുപത്രിയിൽ ഗുരുതര വീഴ്ച്ച. കോവിഡ് രോഗബാധിതനായി മരിച്ച വ്യക്തിയുടെ വിവരങ്ങൾ സർക്കാരിനെ അറിയിച്ചില്ല. മരിച്ചയാളുടെ മൃതദേഹം ബന്ധുക്കൾക്ക് വിട്ടു നൽകുകയും ചെയ്തു.
ഏപ്രിൽ നാലിന് മരിച്ചയാളുടെ മൃതദേഹമാണ് ബന്ധുക്കൾക്ക് വിട്ടുനൽകിയത്. ഇദ്ദേഹത്തിന്റെ സംസ്കാരത്തിലും നിരവധി പേർ പങ്കെടുത്തു. സംഭവത്തിൽ ഡൽഹി പോലീസ് കേസെടുത്ത് അന്വേഷണം ആരംഭിച്ചു.
അതേസമയം, വീഴ്ച സംഭവിച്ചില്ലെന്നാണ് ആശുപത്രി അധികൃതരുടെ വിശദീകരണം. ആഗ്രസെൻ ആശുപത്രിയിൽ ഡോക്ടർമാർ ഉൾപ്പെടെ 12 പേർക്ക് കോവിഡ് സ്ഥിരീകരിച്ചിരുന്നു.
കോവിഡ് ബാധിച്ച് മരിച്ചയാളുടെ മൃതദേഹം ബന്ധുക്കൾക്കു കൈമാറി; ആശുപത്രിക്കെതിരെ കേസ്
03:18 PM Apr 10, 2020 | Deepika.com